మంతెన సూర్యనారాయణరాజుకు ఫ్రీడమ్‌ కింగ్‌ పురస్కారం
ABN , First Publish Date - 2020-08-10T11:09:07+05:30 IST
స్వాతంత్య్ర దినోత్సవాన్ని పురస్కరించుకుని జిల్లాకు చెందిన స్వాతంత్య్ర సమరయోధులు, కాళ్ల మండలం ఏలూరుపాడు నివాసి మంతెన ..
ఏలూరు ఎడ్యుకేషన్‌, ఆగస్టు 9 : స్వాతంత్య్ర దినోత్సవాన్ని పురస్కరించుకుని జిల్లాకు చెందిన స్వాతంత్య్ర సమరయోధులు, కాళ్ల మండలం ఏలూరుపాడు నివాసి మంతెన వెంకట సూర్య నారాయణరాజును ‘ఫ్రీడమ్‌ కింగ్‌’ పురస్కారానికి ఎంపిక చేసి నట్టు జిల్లా సర్వోదయ మండలి ప్రధాన కార్యదర్శి ఇందుకూరి ప్రసాదరాజు ఒక ప్రకటనలో తెలిపారు. భీమవరంలో 1942 ఆగస్టు 17న జరిగిన బ్రిటీష్‌ వారి కాల్పులకు ఎదురు నిలిచి జిల్లాలో స్వాతంత్య్ర ఉద్యమ పోరాటా యోధుడిగా పేరు గాంచారన్నారు. ప్రస్తుతం 91 ఏళ్ల వయస్సులో కూడా రైతు సంఘ నాయకుడిగా పలు కార్యక్రమాలు నిర్వహిస్తున్నారని తెలిపారు.ఆయనకు అవార్డును ఈనెల 15వ తేదీన అందజేస్తామన్నారు.
