పేరు మారిన మరో రైల్వే స్టేషన్... ఎక్కడంటే?

ABN , First Publish Date - 2021-07-17T15:39:15+05:30 IST

యూపీలోని వారణాసిలో గల మండువాడీహ్ రైల్వే స్టేషన్ పేరు మారింది.

పేరు మారిన మరో రైల్వే స్టేషన్... ఎక్కడంటే?

వారణాసి: యూపీలోని వారణాసిలో గల మండువాడీహ్ రైల్వే స్టేషన్ పేరు మారింది. ఇకపై ఈ రైల్వే స్టేషన్‌ను బెనారస్ రైల్వేస్టేషన్ అని పిలవనున్నారు. మండువాడీహ్ రైల్వే స్టేషన్ ఎంతో చరిత్ర కలిగిన స్టేషన్. ఇకపై ఈ స్టేషన్‌కు కొత్త గుర్తింపు వచ్చింది. 


ఈ స్టేషన్ ప్లాట్ ఫారంపై ఇప్పటికే బెనారస్ అనే బోర్డు పెట్టారు. ఈ పేరును హిందీ, సంస్కృతం, ఆంగ్లం, ఉర్దూ బాషలలో రాశారు. ఈ స్టేషన్‌ను మరింత అభివృద్ధి చేశారు. ప్లాట్‌ఫారాలలో ప్రయాణికులు కూర్చునేందుకు కుర్చీలు ఏర్పాటు చేశారు. 2015 నుంచి ఈ స్టేషన్ పేరు మార్పు చేయాలనే డిమాండ్ వినిపిస్తూ వచ్చింది. 2020లో దీనికి సంబంధించిన నోటిఫికేషన్ వెలువడింది. 

Updated Date - 2021-07-17T15:39:15+05:30 IST