Pakistan: కానిస్టేబుల్ ముక్కు, చెవులు కోసేసిన వ్యక్తి.. అతడి ఆగ్రహానికి కారణం ఏంటంటే..
ABN , First Publish Date - 2022-08-02T01:48:00+05:30 IST
తన భార్యను బ్లాక్మెయిల్ చేస్తూ అత్యాచారం చేసిన కానిస్టేబుల్పై ఓ వ్యక్తి దాడి చేశాడు.
తన భార్యను బ్లాక్మెయిల్ చేస్తూ అత్యాచారం చేసిన కానిస్టేబుల్పై ఓ వ్యక్తి దాడి చేశాడు. అతడిని కిడ్నాప్ చేసి ముక్కు, చెవులు, పెదవులు కోసేశాడు. ఈ ఘటన పాకిస్థాన్ (Pakistan) లోని పంజాబ్ రాష్ట్రం ఝాంగ్ జిల్లాలో ఆదివారం జరిగింది. పోలీస్ కానిస్టేబుల్ కాసిమ్ హయత్పై ముహమ్మద్ లిఫ్తీకర్ అనే వ్యక్తి తన 12 మంది స్నేహితులతో కలిసి ఈ దాడికి పాల్పడ్డాడు. వీరిని పట్టుకునేందుకు పోలీసులు ప్రయత్నిస్తున్నారు.
ఇది కూడా చదవండి..
Chandigarh: బూస్టర్ డోస్ వేసుకున్న ఛండీగఢ్ వాసులకు బంపరాఫర్.. ఫ్రీ పుడ్ అంటూ ప్రకటన..
తన కుమారుడిని చంపేస్తానని బెదిరించిన కానిస్టేబుల్ కాసిమ్తో మాట్లాడేందుకు కొన్ని రోజుల క్రితం లిఫ్తీకర్ భార్య వెళ్లింది. అక్కడ ఆమెను కాసిమ్ బెదిరించి అత్యాచారానికి పాల్పడ్డాడు. ఆ ఘటనను వీడియో తీశాడు. తనతో అఫైర్ కొనసాగించాలని, లేకుంటే ఆ వీడియోను సోషల్ మీడియాలో పోస్ట్ చేస్తానని బెదిరించడం ప్రారంభించాడు. కానిస్టేబుల్ వేధింపుల గురించి భార్య ద్వారా లిఫ్తీకర్కు తెలిసింది. ఆ కానిస్టేబుల్కు ఎలాగైనా బుద్ధి చెప్పాలని లిఫ్తీకర్ అనుకున్నాడు.
ఆదివారం విధులు ముగించుకుని ఇంటికి వెళ్తున్న కాసిమ్ను 12 మందితో కలిసి లిఫ్తీకర్ అడ్డగించాడు. అతడిని కిడ్నాప్ చేసి నిర్మానుష్య ప్రాంతానికి తీసుకెళ్లి తీవ్రంగా హింసించాడు. ఆ తర్వాత చాకుతో కాసిమ్ చెవులు, ముక్కు, పెదాలు కోసేశాడు. సమాచారం అందుకున్న పోలీసులు బాధిత కానిస్టేబుల్ను ఝాంగ్ జిల్లా ఆసుపత్రికి తరలించారు. ప్రస్తుతం కాసిమ్ ఆరోగ్య పరిస్థితి విషమంగా ఉంది. లిఫ్తీకర్తో పాటు అతడి స్నేహితుల గురించి పోలీసులు గాలిస్తున్నారు.