అమెరికాలో కరోనా రోగికి ఊపిరితిత్తుల మార్పిడి
ABN , First Publish Date - 2020-07-12T07:18:39+05:30 IST
అమెరికాలో కరోనా పేషెంట్కు భారత సంతతి వైద్యుడు అంకిత్ భరత్ నేతృత్వంలో వైద్యులు రెండు ఊపిరితిత్తుల మార్పిడి ఆపరేషన్ను విజయవంతంగా నిర్వహించారు...
- ఎన్నారై వైద్యుడి నేతృత్వంలో సర్జరీ
న్యూయార్క్, జూలై 11: అమెరికాలో కరోనా పేషెంట్కు భారత సంతతి వైద్యుడు అంకిత్ భరత్ నేతృత్వంలో వైద్యులు రెండు ఊపిరితిత్తుల మార్పిడి ఆపరేషన్ను విజయవంతంగా నిర్వహించారు. ఈ బృందం నెల రోజుల్లో ఇలాంటి సర్జరీ చేయడం ఇది రెండోసారి. చికాగోలోని ఓ ఆస్పత్రిలో 100 రోజుల నుంచి వెంటిలేషన్పైనే ఉన్న 60 ఏళ్ల పేషెంట్ ఊపిరితిత్తులు కరోనా వైరస్ కారణంగా పూర్తిగా దెబ్బతిన్నాయి. ఈ కేసు లంగ్స్ ట్రాన్స్ప్లాంటేషన్లో నిపుణుడైన అంకిత్ చేతికి వచ్చింది. ఆయన తన బృందంతో 10 గంటలు కష్టపడి.. రెండు ఊపిరితిత్తుల మార్పిడిని విజయవంతంగా నిర్వహించారని ఆస్పత్రి వర్గాలు తెలిపాయి. గత నెలలోనూ 20 ఏళ్ల ఓ మహిళా కొవిడ్ పేషెంట్ ఊపిరితిత్తుల మార్పిడిని అంకిత్ బృందం విజయవంతంగా నిర్వహించింది.