Live
TV
విండోస్‌11 పిక్చర్‌ - ఇన్‌ - పిక్చర్‌ మోడ్‌ ఎనేబిలింగ్‌ ఇలా..
ABN , First Publish Date - 2022-05-14T08:43:01+05:30 IST
లాప్‌టాప్‌పై పనిచేసుకుంటూనే మరోవైపు వీడియోలు చూడాలనుకుంటున్నారా! అయితే ఇది మీ లాంటి వాళ్లకోసమే. పనికోసం లాప్‌టాప్‌, వీడియోల కోసం మొబైల్‌ కాదు.
లాప్‌టాప్‌పై పనిచేసుకుంటూనే మరోవైపు వీడియోలు చూడాలనుకుంటున్నారా! అయితే ఇది మీ లాంటి వాళ్లకోసమే. పనికోసం లాప్‌టాప్‌, వీడియోల కోసం మొబైల్‌ కాదు. రెండు పనులూ లాప్‌టాప్‌లోనే చేయొచ్చు. ఇందుకోసం విండోస్‌11పై పిక్చర్‌ - ఇన్‌ - పిక్చర్‌ మోడ్‌ని ఎనేబుల్‌ చేసుకుని హాయిగా వీడియోలు చూడొచ్చు. అప్పుడే ఒకపక్క ఫ్లోటింగ్‌ విండోలు వీడియోలు నడుస్తూ ఉంటాయి. మరో పక్క ఫుల్‌స్ర్కీన్‌పై మీ పని మీరు చేసుకుంటూ ఉండొచ్చు. విండోస్‌11పై ద ఫిల్మ్‌ అండ్‌ టీవీ యాప్‌ పిక్చర్‌ -ఇన్‌ - పిక్చర్‌ మోడ్‌ సపోర్ట్‌తో వస్తోంది. అయితే వీడియోలను కంప్యూటర్‌పై సేవ్‌ చేసుకుని ఉంటేనే ఈ ప్రక్రియకు ఆస్కారం ఉంటుంది. పిక్చర్‌ - ఇన్‌ - పిక్చర్‌ మోడ్‌లో యూట్యూబ్‌ వీడియోను ప్లే చేయాలని అనుకుంటే ఇంటర్నెట్‌ బ్రౌజర్‌, ఆ మోడ్‌కు సపోర్టు అవసరమవుతుంది. ప్రక్రియను ఎలా జరిపించవచ్చు అంటే..
- మొదట ఫైల్‌ ఎక్స్‌ప్లోరర్‌ని ఓపెన్‌ చేసుకోవాలి. పిక్చర్‌ - ఇన్‌ - పిక్చర్‌ మోడ్‌ కావాలని అనుకుంటే, వీడియో ఫైల్‌పై రైట్‌ క్లిక్‌ చేయాలి.
- ఇచ్చిన ఆప్షన్స్‌ను అనుసరించి ఇప్పుడు ఫిల్మ్స్‌ అండ్‌ టీవీని సెలెక్ట్‌ చేసుకోవాలి.
- ఒక్కసారి వీడియో ఓపెన్‌ అయితే, పిక్చర్‌ - ఇన్‌ - పిక్చర్‌ మోడ్‌లో నిరంతరాయంగా వీడియోను ప్లే చేసేందుకు మినీవ్యూలో ‘ప్లే వీడియో’పై క్లిక్‌ చేయాలి.
- ఇప్పుడు ఫ్లోటింగ్‌ విండో అంటే ఫుల్‌స్ర్కీన్‌ టాప్‌లో ఉండే దానిపై వీడియో ప్లే కొనసాగుతూ ఉంటుంది.
