కౌలు రైతులకు సీసీఆర్ కార్డులు అవసరం
ABN , First Publish Date - 2021-06-20T04:58:31+05:30 IST
ప్రభుత్వం నుంచి రాయితీలు పొందేందుకు కౌలు రైతులకు సీసీఆర్(క్రాప్ కల్టివేషన్ రైట్స్) కార్డులు అవసరమని వ్యవసాయ శాఖ అసిస్టెంట్ డైరెక్టర్ కోటేశ్వరరావు తెలిపారు.
సబ్బవరం, జూన్ 19 : ప్రభుత్వం నుంచి రాయితీలు పొందేందుకు కౌలు రైతులకు సీసీఆర్(క్రాప్ కల్టివేషన్ రైట్స్) కార్డులు అవసరమని వ్యవసాయ శాఖ అసిస్టెంట్ డైరెక్టర్ కోటేశ్వరరావు తెలిపారు. మండలంలోని ఆరిపాక గ్రామంలో శనివారం సీసీఆర్ కార్డులపై కౌలు రైతులకు అవగాహన కార్యక్రమం నిర్వహించారు. ఈ సందర్భంగా ఆయన మాట్లాడుతూ భూమి కలిగిన రైతు తన భూమిని కౌలుకు ఇచ్చినప్పటికీ భూ యజమానికి ఎటువంటి నష్టం లేకుండా 11 నెలల కాలపరిమితికి మాత్రమే కౌలు రైతులకు సీసీఆర్ కార్డులను ప్రభుత్వం జారీ చేస్తుందన్నారు. ఈ కార్డుల ద్వారా రాయితీపై విత్తనాలు, ఎరువులు, పురుగుల మందులు, రైతు భరోసా పథకం లబ్ధి పొందవచ్చన్నారు. సర్పంచ్ పాలిశెట్టి పార్వతి అధ్యక్షతన జరిగిన ఈ కార్యక్రమంలో వైసీపీ జిల్లా యువజన విభాగం ప్రధాన కార్యదర్శి పాలిశెట్టి సురేశ్, పీఏసీఎస్ ఉపాధ్యక్షుడు బొడ్డేటి మహాలక్ష్మీనాయుడు, మల్ల కోటేశ్వరరావు, ఏఈవో బాలరాజు, వీఏఏ అపర్ణ, పలువురు రైతులు పాల్గొన్నారు.