Kurnool: Tungabhadra జలాశయం 20 గేట్లు ఎత్తివేత

కర్నూలు (Kurnool): రాయలసీమ జిల్లాల జీవనాడి తుంగభద్ర (Tungabhadra) జలాశయానికి వరద కొనసాగుతోంది. డ్యాం (Dam) ఎగువ కర్ణాటక 9Karnataka)లోని మల్నాడు ప్రాంతమైన సీమొగ్గ, ఆరావళి పర్వతాల్లో కురుస్తున్న వర్షాలకు తుంగభద్ర జలాశయం ఉప్పొంగుతోంది. వరదప్రవాహం అధికం కావడంతో అధికారులు జలాశయం 20 గేట్లు ఎత్తివేసి 39,243 క్యూసెక్కుల నీటిని దిగువకు విడుదల చేశారు. ఇన్ ఫ్లో: 90,664 క్యూసెక్కులు కాగా.. అవుట్ ఫ్లో: 39,243 క్యూసెక్కులుంది. పూర్తి స్థాయి నీటి మట్టం 1633 అడుగులు. అయితే ప్రస్తుత నీటి మట్టం 1631.48 అడుగులు ఉంది. పూర్తి స్థాయి నీటి నిల్వ సామర్థ్యం 105 టీఎంసీలు.. కాగా ప్రస్తుతం నీటి నిల్వ 99 టీఎంసీలు ఉంది. నది తీర గ్రామాల ప్రజలు అప్రమత్తంగా ఉండాలని బోర్డు ఎస్‌ఈ శ్రీకాంతరెడ్డి సూచించారు.