చాణక్య నీతి: అటువంటి పరిస్థితులలో విద్య, సంపద, అందం వృథా!

ఆచార్య చాణక్యుడి విధానాలు జీవితాన్ని చక్కదిద్దుకునేందుకు సరైన మార్గాన్ని చూపుతాయి. మనం ఈ విధానాలను అనుసరిస్తే క్లిష్ట పరిస్థితులను ధైర్యంగా ఎదుర్కోవచ్చు. ప్రతి పరిస్థితి నుండి బయటపడటానికి అవి మనకు మార్గనిర్దేశం చేస్తాయి. చాణక్య నీతి ప్రకారం ధర్మ ప్రవర్తన లేని వ్యక్తి అందం వ్యర్థం. లక్ష్యాన్ని అందుకోలేని జ్ఞానం వల్ల ఉపయోగం లేదు. సక్రమంగా వినియోగించుకోలేని ధనం నిరుపయోగం అవుతుంది. ఆచార్య చాణక్యుడు తన నీతి శాస్త్రంలో ఇలాంటి అనేక సూత్రాలను తెలిపాడు. ఆచార్య చాణక్య చెప్పిన విధానాలు.. మనిషికి కష్టతరమైన సమయాలను అధిగమించగల ధైర్యాన్ని ఇస్తాయి.

అలాగే ఈ విధానాలను అవలంబించడం ద్వారా ఒక వ్యక్తి తన జీవితాన్ని సంతోషంగా, విజయవంతంగా మార్చుకోవచ్చు. ఆచార్య చాణక్యుడు తన నీతి శాస్త్రంలో మనిషికి గల అందం, జ్ఞానం, సంపద గురించి చాలా చెప్పాడు. అలాగే ఏ పరిస్థితులలో ఇవి వ్యర్థం అనే అంశాలను కూడా తెలియజేశాడు. ఆచార్య చాణక్యుడి నీతి శాస్త్రం ప్రకారం శరీర సౌందర్యానికి.. వారిలోని గుణాలకు సంబంధం లేదు. ఒక వ్యక్తి అందంగా ఉన్నా అతనిలో సద్గుణాలు లేకుంటే అతని అందం వృథాగా పరిగణించబడాలి. ధర్మ ప్రవర్తన లేని అందం వల్ల ఉపయోగం లేదు. ఆచార్య చాణక్య తెలిపిన వివరాల ప్రకారం ఒక వ్యక్తి దుష్ట స్వభావం కలిగి ఉంటే అతను ఎంత ఉన్నతమైన వ్యక్తి అయినా అతని కుటుంబం సర్వనాశనం అయ్యే అవకాశం ఉంది. ఎందుకంటే వంశంలోని ఆచారాల ప్రకారం ఆ వ్యక్తి ప్రవర్తన ఆధారపడివుంటుంది. ప్రతి వ్యక్తి తన జీవితంలో ఏదో ఒక లక్ష్యంతో ముందడుగు వేస్తాడు. ఇందుకోసం విద్యను అభ్యసిస్తాడు. కానీ లక్ష్యాన్ని సాధించలేని విద్య నిరుపయోగం అవుతుంది. విద్యకు  జ్ఞానం తోడయినప్పుడే జీవితానికి సరైన దిశ ఏర్పడుతుంది. ఆచార్య చాణక్యుడు తెలిపిన వివరాల ప్రకారం డబ్బుకు మూడు లక్షణాలున్నాయి. మొదటిది ఆనందం, రెండవది దాతృత్వం, మూడవది విధ్వంసం. అంటే ధనాన్ని ఆనందం కోసం వినియోగించాలి. ఆ తర్వాత దానం చేయాలి. ఈ రెండింటికీ డబ్బును వినియోగించకపోతే అది వృథా లెక్కలోకే వస్తుంది. అంటే వచ్చిన డబ్బును ఏ పనిలోకీ ఉపయోగించకపోతే అది నిరుపయోగంగా మారుతుంది.