గుండె సమస్యలున్నవాళ్లు కివి పండును తింటే..

పొటాషియం, ఫోలేట్‌, ఫైబర్‌, విటమిన్‌ సి, కెలతో పాటు అతి తక్కువ క్యాలరీలను కలిగి ఉండే కివి పండు అన్ని వయసుల వారికీ ఆరోగ్యకరమే! ఈ పండుతో పొందే వీలున్న మరికొన్ని ఆరోగ్య ప్రయోజనాలు ఏవంటే...

లాక్సేటివ్‌: దీన్లోని పీచు, పెక్టిన్‌లు పేగుల ఆరోగ్యాన్ని ప్రేరేపించి, మలబద్ధకాన్ని నివారిస్తాయి. 

ఉబ్బసం: దీన్లోని పుష్కలమైన విటమిన్‌ సి శ్వాసకోశ వ్యవస్థ మొత్తానికీ సహాయపడుతుంది. మరీ ముఖ్యంగా ఆస్తమా రోగులకు ఈ పండు ఎంతో మేలు చేస్తుంది. వారానికి రెండు కివి పండ్లు తినగలిగితే ఉబ్బసం ఇబ్బందుల నుంచి ఉపశమనం పొందవచ్చు.

రక్తపోటు: కివిలోని పొటాషియం, ఇతర ఖనిజ లవణాలు రక్తపోటును అదుపులో ఉంచుతాయి. ఈ పండు తినడం వల్ల శరీరంలో నీరు నిల్వ ఉండిపోయే ‘వాటర్‌ రిటెన్షన్‌’ పరిస్థితి అదుపులోకి వస్తుంది.

కొలెస్ట్రాల్‌: దీన్లోని పీచు, యాంటీఆక్సిడెంట్లు శరీరంలోని కొవ్వును కరిగిస్తాయి. ఫలితంగా అధిక కొలెస్ట్రాల్‌ కూడా అదుపులోకి వస్తుంది. 

సహజసిద్ధ కాగ్యులెంట్‌: ఈ పండుకు రక్తాన్ని పలుచన చేసే గుణముంది. కాబట్టి గుండె సమస్యలున్నవాళ్లు ఈ పండును తినడం వల్ల గుండె పోటుకు గురయ్యే అవకాశాలు తగ్గుతాయి.