దత్తపుత్రిక వ్యవహారంలో Karate Kalyaniకి క్లీన్ చిట్
ABN , First Publish Date - 2022-05-19T00:11:53+05:30 IST
దత్తపుత్రిక వ్యవహారంలో సినీ నటి కరాటే కల్యాణికి క్లిన్ చిట్ లభించింది. చిన్నారి దతత తీసుకున్నారని ..
హైదరాబాద్ (Hyderabad): దత్తపుత్రిక వ్యవహారంలో సినీ నటి కరాటే కల్యాణి (Karate Kalyani)కి క్లీన్ చిట్ లభించింది. చిన్నారిని దతత తీసుకున్నారని కరాటే కల్యాణిపై ఆరోపణలు వచ్చాయి. దీంతో ఆమెను బాలల హక్కుల పరిరక్షణ కమిషన్ విచారణకు రావాలని ఆదేశించింది. ఈ మేరకు చిన్నారి తల్లిదండ్రులతో పాటు కరాటే కల్యాణి కూడా బాలల హక్కుల పరిరక్షణ కమిషన్ ఎదుట విచారణకు హాజరయ్యారు. చిన్నారిని తాను దత్తత తీసుకోలేదని బాలల హక్కుల పరిరక్షణ కమిషన్కు ఆమె వివరించారు.
ఈ సందర్భంగా కరాటే కల్యాణి మాట్లాడుతూ తాను దత్తత తీసుకోవాలంటే న్యాయపరంగా తీసుకుంటానన్నారు. చిన్నారి తల్లిదండ్రులు తనతో పాటే ఉంటున్నారని తెలిపారు. రెండు రోజులుగా తనపై అనేక ఆరోపణలు వచ్చాయన్నారు. ఈ పరిణామాలతో తన తల్లి, తమ్ముడు మనస్థాపం చెందారని.. ఆత్మహత్య చేసుకుంటానని ఆవేదన వ్యక్తం చేశారని.. వారికి తానే ధైర్యం చెప్పి విచారణకు హాజరయ్యానని కరాటే కల్యాణి పేర్కొన్నారు. తనపై నిరాధారమైన ఆరోపణలు చేసిన వారిపై కోర్టుకి వెళ్తానని కరాటే కల్యాణి హెచ్చరించారు.