గుంటూరులో ఆస్పరి కూలీలు
ABN , First Publish Date - 2020-04-04T10:03:01+05:30 IST
బతుకుతెరువు కోసం గుంటూరు జిల్లాకు వలస వెళ్లిన ఆస్పరి వాసులు పది రోజులుగా బిక్కుబిక్కుమంటూ గడుపుతున్నారు. ఆ
ఆస్పరి, ఏప్రిల్‌ 3: బతుకుతెరువు కోసం గుంటూరు జిల్లాకు వలస వెళ్లిన ఆస్పరి వాసులు పది రోజులుగా బిక్కుబిక్కుమంటూ గడుపుతున్నారు. ఆస్పరికి చెందిన వంద మంది గుంటూరు జిల్లా పెద్దకూరపాడు మండలం కనేగండ్ల గ్రామానికి కూలీ పని కోసం నెల క్రితం వెళ్లారు. మార్చి 22 నుంచి లాక్‌డౌన్‌ విధించడంతో సొంత గ్రామం చేరుకోలేక తీవ్ర ఇబ్బందులు పడుతున్నామని మహానంది, మారెమ్మ, పరమేష్‌, ఉరుకుందు, గోవిందు వాపోయారు. వ్యవసాయ పనుల్లోకి కూడా తీసుకోవడం లేదని, యజమానులు వెళ్లిపొమ్మన్నారని ఆవేదన వ్యక్తం చేశారు. ప్రజాప్రతినిధులు, అధికారులు స్పందించి తమను ఇంటికి చేర్చాలని కోరుతున్నారు.
