బీజేపీ జై శ్రీరామ్ అంటే.. మేము జై హనుమాన్ అంటాం : కవిత

ABN , First Publish Date - 2022-05-21T19:25:49+05:30 IST

నార్త్ ఇండియాలో మసీదుల్లో దేవుడి ఆలయాలు, విగ్రహాలున్నాయంటూ.. అసలు దేవాలయాలను కూల్చివేసి మసీదులను నిర్మించారంటూ పెద్ద ఎత్తున రచ్చ జరుగుతున్న విషయం తెలిసిందే.

బీజేపీ జై శ్రీరామ్ అంటే.. మేము జై హనుమాన్ అంటాం : కవిత

జగిత్యాల : నార్త్ ఇండియాలో మసీదుల్లో దేవుడి ఆలయాలు, విగ్రహాలున్నాయంటూ.. అసలు దేవాలయాలను కూల్చివేసి మసీదులను నిర్మించారంటూ పెద్ద ఎత్తున రచ్చ జరుగుతున్న విషయం తెలిసిందే. తాజాగా తెలంగాణలో కూడా బీజేపీ నేతలు దేవుడి ప్రస్తావనను తీసుకొస్తున్నారు. రాజకీయాల్లో భగవంతుడి పేరును వాడుతున్నారు. దీనిపై జగిత్యాల వేదికగా ఓ కార్యక్రమంలో టీఆర్ఎస్ ఎమ్మెల్సీ కల్వకుంట్ల కవిత మండిపడ్డారు.


‘బీజేపీ జై శ్రీరామ్ అంటే.. మేము జై హనుమాన్ అంటాం’ అని తేల్చి చెప్పారు. అవసరం అయితే దేవుణ్ణి కూడా ప్రజలు ప్రశ్నిస్తారన్నారు. దేవుడి కంటే భక్తుడే గొప్ప అని.. నాయకుడి కంటే ప్రజలే గొప్ప అని కవిత పేర్కొన్నారు. రాజకీయం మొత్తం దేవుడి చుట్టే తిప్పితే ఊరుకోబోమని హెచ్చరించారు. ఇంట్లో దేవుణ్ణి ఎగ్జిబిషన్ లాగా బయట పెట్టబోమన్నారు. దేవుడి పేరు చెప్పి భయపెడితే భయపడబోమన్నారు.

Updated Date - 2022-05-21T19:25:49+05:30 IST