Sep 19 2021 @ 12:17PM

ప్రభాస్ చేతుల మీదుగా "కళాకార్" టీజర్ విడుదల

పాన్ ఇండియా స్టార్ ప్రభాస్ "కళాకార్" చిత్ర టీజర్‌ను విడుదల చేశారు. ఒకప్పుడు లవర్ బాయ్ ఇమేజ్ సొంతం చేసుకున్న హీరో రోహిత్ వరుస హిట్లు కొట్టేశారు. 6 టీన్స్‌, గర్ల్ ఫ్రెండ్, జానకి వెడ్స్‌ శ్రీరామ్‌..వంటి చిత్రాలలో నటించి సూపర్ హిట్లను అందుకున్నారు. ఆ తర్వాత శంక‌ర్‌దాదా MBBS, నవ వసంతం వంటి సినిమాలతో నటుడిగా మంచి గుర్తింపు తెచ్చుకున్నారు. కాగా రోహిత్ చాలా గ్యాప్ తరువాత ఇప్పుడు మళ్లీ హీరోగా రీ ఎంట్రీ ఇవ్వబోతోన్నారు. ఆయ‌న‌ హీరోగా శ్రీను బందెల దర్శకత్వంలో రూపొందుతోన్న యాక్ష‌న్ ఎంట‌ర్‌టైన‌ర్ 'కళాకార్‌'. ఏజీ అండ్‌ ఏజీ ఎంటర్‌టైన్‌మెంట్స్‌ పతాకంపై నిర్మాత వెంకటరెడ్డి జాజాపురం నిర్మిస్తున్నారు. మొదటిసారి రోహిత్‌ పోలీస్ ఆఫీస‌ర్ పాత్రలో నటిస్తున్నాడు. ఈ మద్యే ఫస్ట్ లుక్ పోస్టర్ తో ఆకట్టుకున్న ఈ సినిమాకు సంబంధించి తాజాగా పాన్ ఇండియా స్టార్ ప్రభాస్ టీజర్ ని విడుదల చేసారు.  


ఈ నేపథ్యంలో హీరో రోహిత్ మాట్లాడుతూ .. "హీరో ప్రభాస్ గారు టీజర్ విడుదల చేసినందుకు చాల హ్యాపీగా ఉంది. నిజంగా ఇది మరచిపోలేని అనుభూతి. టీజర్ చూసి చాలా బాగుందని చెప్పారు. టీజర్ విడుదల చేసినందుకు ప్రభాస్ గారికి థాంక్స్ చెబుతున్నాను. తప్పకుండా ఈ టీజర్, అలాగే సినిమా కూడా మీకు నచ్చుతుందన్న నమ్మకం ఉంది" అన్నారు. ఈ క్రమంలోనే దర్శకుడు శ్రీను బందెల మాట్లాడుతూ ..  ''ఈ రోజు  చాల ఆనందంగా ఉంది  ప్రభాస్ గారు టీజర్ లాంచ్ చేసినందుకు ఆయనకు చాలా థాంక్స్. నాకు చాలా ఎక్సయిటింగ్ గా ఉంది. నిజంగా మా సినిమాకు సపోర్ట్ చేసినందుకు ప్రభాస్ గారికి ధన్యవాదాలు తెలుపుతున్నాను".. అన్నారు.


నిర్మాత వెంకట్ రెడ్డి మాట్లాడుతూ .. "మా  ఏజీ అండ్‌ ఏజీ ఎంటర్‌టైన్‌మెంట్స్‌ బ్యానర్ లో ఇది రెండో సినిమా. ఈ సినిమా టీజర్ ని ప్రభాస్ లాంచ్ చేసినందుకు చాలా ఆనందంగా ఉంది.  మా చిన్న సినిమాకు సపోర్ట్ చేసినందుకు థాంక్స్. సినిమా మొత్తం పూర్తయింది. త్వరలోనే ఫస్ట్ కాపీ వస్తుంది. అలాగే త్వరలోనే సెన్సార్ కార్యక్రమాలు కూడా పూర్తీ చేసి దసరాకు విడుదల చేయాలన్న ఆలోచనలో ఉన్నాం".. అన్నారు.