ట్రంప్‌ నిర్ణయంపై జాన్స్‌ హాప్కిన్స్‌ కూడా కోర్టుకు
ABN , First Publish Date - 2020-07-12T08:02:32+05:30 IST
ఆన్‌లైన్‌ క్లాసులకు మారాలనుకునే విదేశీ విద్యార్థులు అమెరికా విడిచివెళ్లాలన్న డొనాల్డ్‌ ట్రంప్‌ ప్రభుత్వ నిర్ణయాన్ని వ్యతిరేకిస్తూ జాన్స్‌ హాప్కిన్స్‌ యూనివర్సిటీ న్యాయస్థానంలో దావా వేసింది...
- ఇప్పటికే కోర్టును ఆశ్రయించిన హార్వర్డ్‌, ఎంఐటీ
బాల్టిమోర్‌, జూలై 11: ఆన్‌లైన్‌ క్లాసులకు మారాలనుకునే విదేశీ విద్యార్థులు అమెరికా విడిచివెళ్లాలన్న డొనాల్డ్‌ ట్రంప్‌ ప్రభుత్వ నిర్ణయాన్ని వ్యతిరేకిస్తూ జాన్స్‌ హాప్కిన్స్‌ యూనివర్సిటీ న్యాయస్థానంలో దావా వేసింది. ఈ మేరకు గత శుక్రవారం అమెరికా ఇమ్మిగ్రేషన్‌, కస్టమ్స్‌ ఎన్‌ఫోర్స్‌మెంట్‌పై కొలంబియా డిస్ర్టిక్ట్‌లోని ఫెడరల్‌ కోర్టులో యూనివర్సిటీ పిటిషన్‌ దాఖలు చేసింది. ఇప్పటికే హార్వర్డ్‌ యూనివర్సిటీ, మసాచుసెట్స్‌ ఇన్‌స్టిట్యూట్‌ ఆఫ్‌ టెక్నాలజీ (ఎంఐటీ)లు న్యాయస్థానాన్ని ఆశ్రయించాయి.
