మళ్లీ అరెస్ట్ చేయగానే పుష్ప రియాక్షన్ ఇచ్చిన జిగ్నేష్
ABN , First Publish Date - 2022-04-26T00:15:32+05:30 IST
కాంగ్రెస్ నేత, గుజరాత్ ఎమ్మెల్యే జిగ్నేష్ మేవానీని అసోం పోలీసులు మళ్లీ అరెస్ట్ చేశారు. ప్రధాని మోడీపై వివాదాస్పద ట్వీట్ల కేసులో సోమవారం బెయిల్ పొందిన కొద్దిసేపటికే కొత్త కేసులో జిగ్నేష్‌ను అక్కడి పోలీసులు అదుపులోకి తీసుకున్నారు. కాగా, అరెస్ట్ చేసి తీసుకెళ్తుండగా పుష్ప సినిమాలోని..
గువహాటి: కాంగ్రెస్ నేత, గుజరాత్ ఎమ్మెల్యే జిగ్నేష్ మేవానీని అసోం పోలీసులు మళ్లీ అరెస్ట్ చేశారు. ప్రధాని మోడీపై వివాదాస్పద ట్వీట్ల కేసులో సోమవారం బెయిల్ పొందిన కొద్దిసేపటికే కొత్త కేసులో జిగ్నేష్‌ను అక్కడి పోలీసులు అదుపులోకి తీసుకున్నారు. కాగా, అరెస్ట్ చేసి తీసుకెళ్తుండగా పుష్ప సినిమాలోని రియాక్షన్ ఇచ్చారు జిగ్నేష్. పోలీసు జీపులో ఉన్న జిగ్నేష్ పక్కన పోలీసులు ఆయుధాలతో ఉన్నారు. జీపు కదులుతోంది. ఇంతలో కెమెరావైపుకు చూసిన జిగ్నేష్.. ‘తగ్గేదేలే’ అంటూ రియాక్ట్ అయ్యారు. దీనికి సంబంధించిన వీడియో సోషల్ మీడియాలో వైరల్ అవుతోంది.
ఇదిలా ఉంటే రెండోసారి అరెస్ట్ చేసిన కేసేంటో పోలీసులు ఇప్పటి వరకు వరకు వెళ్లడించలేదు. గత బుధవారం రాత్రి 11 గంటల సమయంలో గుజరాత్‌లోని పాలంపూర్ ప్రాంతంలో జిగ్నేష్ మేవానీని అసోంకు చెందిన పోలీసు బృందం అరెస్ట్ చేసింది. ప్రధాని మోడీని వ్యతిరేకిస్తూ జిగ్నేష్ మేవానీ చేసిన రెండు ట్వీట్లే ఇందుకు కారణమయ్యాయి. ట్వీట్లపై అభ్యంతరం తెలుపుతూ అసోంకు చెందిన ఓ వ్యక్తి స్థానిక కోక్రఝర్‌లో పోలీసులకు ఫిర్యాదు చేశాడు. నేరపూరిత కుట్ర, మతఘర్షణలకు దారితీసేలా రెచ్చగొట్టడంతోపాటు ఇతర అంశాలను పేర్కొన్న పోలీసులు విచారణ నిమిత్తం మేవానీని అరెస్ట్ చేసిన విషయం తెలిసిందే.
