టాప్-10 ఉగ్రవాదులు వీరే : జమ్మూ-కశ్మీరు పోలీసులు

శ్రీనగర్ : జమ్మూ-కశ్మీరు పోలీసులు టాప్-10 ఉగ్రవాదుల జాబితాను విడుదల చేశారు. ఈ జాబితాను కశ్మీరు జోన్ పోలీసులు సోమవారం రాత్రి చాలా పొద్దుపోయాక ట్విటర్ వేదికగా విడుదల చేశారు. వీరిలో కొద్ది కాలంగా చురుగ్గా ఉన్న ఏడుగురితోపాటు ముగ్గురు కొత్త ఉగ్రవాదులు ఉన్నారు. 

‘‘టాప్-10 #టార్గెట్స్ : పాత ఉగ్రవాదులు : సలీం పర్రాయ్, యుసఫ్ కంట్రూ, అబ్బాస్ షేక్, రియాజ్ షెటెర్గండ్, ఫరూఖ్ నాలీ, జుబెయిర్ వాని, అష్రఫ్ మోల్వీ. కొత్త ఉగ్రవాదులు :  సకీబ్ మంజూర్, ఉమర్ ముస్తాక్ ఖండే, వకీల్ షా’’ అని కశ్మీరు జోన్ పోలీసులు ట్వీట్ చేశారు. కశ్మీర్ ఐజీపీ విజయ్ కుమార్ ఆధ్వర్యంలో ఈ జాబితాను రూపొందించినట్లు పేర్కొన్నారు.