నుర్మతి సీఆర్పీఎఫ్ అవుట్ పోస్టును సందర్శించిన ఐటీడీఏ పీవో
ABN , First Publish Date - 2021-06-23T05:30:00+05:30 IST
మండలంలోని నుర్మతిలో సీఆర్పీఎఫ్ అవుట్ పోస్టును ఐటీడీఏ పీవో రోణంకి గోపాలకృష్ణ బుధవారం సందర్శించారు.
సామాజిక సేవా కార్యక్రమాల గురించి ఆరా
జి.మాడుగుల, జూన్ 23: మండలంలోని నుర్మతిలో సీఆర్పీఎఫ్ అవుట్ పోస్టును ఐటీడీఏ పీవో రోణంకి గోపాలకృష్ణ బుధవారం సందర్శించారు. ఈ సందర్భంగా కేంద్ర ఆర్థిక సాయంతో రూ.60 లక్షలతో నిర్మించిన రోడ్లను ఆయన పరిశీలించారు. సీఆర్పీఎఫ్ చేపడుతున్న సామాజిక సేవా కార్యక్రమాల గురించి అసిస్టెంట్ కమాండెంట్ ఉదయకుమార్ను అడిగి తెలుసుకున్నారు. అవుట్ పోస్టుకు ఇంకేమైనా సదుపాయాలు కావాలంటే ప్రతిపాదనలు పంపాలని పీవో సూచించారు. ఈ కార్యక్రమంలో గిరిజన సంక్షేమ ఇంజనీరింగ్ శాఖ ఈఈ కేవీఎస్ఎన్.కుమార్, డీఈఈ అనుదీప్, ఏఈఈ జబ్బర్ పాల్గొన్నారు.