Advertisement
Advertisement
Latest Telugu News
Advertisement
Published: Thu, 02 Jun 2022 16:53:06 IST

ఉదయాన్నే చద్దన్నం తినడం మంచిదేనా? ఉపయోగం ఉంటుందా?

twitter-iconwatsapp-iconfb-icon
ఉదయాన్నే చద్దన్నం తినడం మంచిదేనా? ఉపయోగం ఉంటుందా?

ఆంధ్రజ్యోతి(02-06-2022)

ప్రశ్న: మా చిన్నప్పుడు వేసవిలో ఉదయాన్నే టిఫిన్‌కు బదులుగా చద్దన్నం పెట్టేవాళ్ళు. ఇప్పుడు కూడా పిల్లలకు అలా పెట్టవచ్చా? దీనివల్ల ఏవైనా ఉపయోగాలు ఉంటాయా?


- సులోచన, కడప


డాక్టర్ సమాధానం: వేసవికాలంలో వేడి తట్టుకునేందుకు చల్లటి ఆహార పదార్థాలు తీసుకోవాలని అనిపిస్తుంది. వేడి టిఫిన్‌కు బదులు రాత్రి వండిన అన్నంలో ఉదయాన్నే పెరుగు కలిపి తినేవారు. ఉదయాన్నే ఎక్కువగా నూనెలు వేసి తయారు చేసే టిఫిన్ల కంటే ఈ పెరుగన్నం మంచిది. ముఖ్యంగా వేసవి సెలవుల్లో పగలంతా కూడా ఆటలాడి అలసిపోయే పిల్లలకు ఇది మంచి ఆహారం. దీనితో పాటు పచ్చి ఉల్లి, టొమాటో లాంటి కూరగాయ లేదా పండ్ల ముక్కలు ఇవ్వవచ్చు. బాగా ఆటలాడి చెమట పట్టే పిల్లలకు పెరుగన్నంలో చిటికెడు ఉప్పు వేసి పెట్టడం ద్వారా చెమటతో నష్టపోయే లవణాలను భర్తీ చేయవచ్చు. ఈ పెరుగు చద్దన్నం అన్ని వయసులవారికీ అనువైన ఆహారమే కానీ మధుమేహం ఉన్నవారు అన్నానికి బదులుగా చిరుధాన్యాలను తీసుకుంటే మంచిది. రాత్రి వండిన అన్నాన్ని సరైన ఉష్ణోగ్రత వద్ద నిల్వ చేయకపోతే అన్నం పాడయ్యే అవకాశం ఉంది. ఇలా పాడైన అన్నం తినడం వల్ల ఫుడ్‌ పాయిజనింగ్‌ కూడా కావచ్చు. కాబట్టి చద్దన్నం తినేప్పుడు జాగ్రత్తలు అవసరం.


డా. లహరి సూరపనేని

న్యూట్రిషనిస్ట్, వెల్‌నెస్ కన్సల్టెంట్

nutrifulyou.com(పాఠకులు తమ సందేహాలను

[email protected]కు పంపవచ్చు)

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.