డేటా అమ్మకంపై ఐఆర్సీటీసీ వెనుకంజ!
ABN , First Publish Date - 2022-08-20T06:05:12+05:30 IST
ప్రయాణికులు, సరుకు రవాణాదారుల వివరాల (డేటా) అమ్మకంపై ఇండియన్ రైల్వే క్యాటరింగ్ అండ్ టూరిజం కార్పొరేషన్ (ఐఆర్సీటీసీ) సందిగ్ధంలో పడింది. చట్టపరమైన ఇబ్బందుల కారణంగా ఈ ప్రయత్నాన్ని పక్కన పెట్టే
న్యూఢిల్లీ: ప్రయాణికులు, సరుకు రవాణాదారుల వివరాల (డేటా) అమ్మకంపై ఇండియన్ రైల్వే క్యాటరింగ్ అండ్ టూరిజం కార్పొరేషన్ (ఐఆర్సీటీసీ) సందిగ్ధంలో పడింది. చట్టపరమైన ఇబ్బందుల కారణంగా ఈ ప్రయత్నాన్ని పక్కన పెట్టే అవకాశం ఉందని రైల్వే శాఖ వర్గాలు చెప్పాయి. అయితే ఐఆర్సీటీసీ మాత్రం దీనిపై నోరు మెదపడం లేదు. డేటాకు సంబంధించిన వివరాల అమ్మకం ద్వారా రూ.1,000 కోట్ల వరకు సమకూరే అవకాశం ఉందని కంపెనీ ముందు భావించింది. దీనిపై అవసరమైన సలహాలు, సూచనలు ఇచ్చే కన్సల్టెన్సీ సంస్థలు ముందుకు రావాలని టెండర్ కూడా విడుదల చేసింది. అయితే చట్టపరమైన సమస్యల కారణంగా ముందుకు పోయేందుకు వెనుకాడుతోంది.