వివాహ వేడుకలో వధువు డ్యాన్స్.. అకస్మాత్తుగా విడాకులిచ్చిన వరుడు.. కారణం తెలిస్తే..
ABN , First Publish Date - 2022-01-11T01:08:08+05:30 IST
వారికి వివాహమై కొన్ని క్షణాలు అయ్యిందంతే.. వివాహ వేడుక ఇంకా పూర్తికాలేదు. అక్కడ వినిపిస్తున్న పాటకు వధువు స్టెప్పులేస్తోంది! ఇంతలో వరుడు ఆమెకు ఊహించని షాకిచ్చాడు. మనిద్దరం కలిసుండటం కుదరదంటూ ఆమెకు విడాకులిచ్చేశాడు.
ఇంటర్నెట్ డెస్క్: వారికి వివాహమై కొన్ని క్షణాలు అయ్యిందంతే.. వివాహ వేడుక ఇంకా పూర్తికాలేదు. అక్కడ వినిపిస్తున్న పాటకు వధువు స్టెప్పులేస్తోంది! ఇంతలో వరుడు ఆమెకు ఊహించని షాకిచ్చాడు. మనిద్దరం కలిసుండటం కుదరదంటూ ఆమెకు విడాకులిచ్చేశాడు. ఆ తరువాత.. తల్లిదండ్రులతో కలిసి తన దారిన తాను వెళ్లిపోయాడు. ఇరాక్‌లో ఇటీవల జరిగిన ఉదంతం ఇది. అతడి అనూహ్య నిర్ణయం గురించి తెలిస్తే మనం మరింత షాకైపోతాం. ఆ వేడుకలో వినిపిస్తున్న పాట..అతడికి, తల్లిదండ్రులకు అసలు ఏమాత్రం నచ్చలేదు. ఆ పాట పెడధోరణులను రెచ్చగొట్టే విధంగా ఉందనేది వారి అభిప్రాయం.
ఆ పాట అర్థం.. అందులోని అంతరార్థం స్పష్టంగానే తెలుస్తున్నా కూడా వధువు తనను తాను మరిచిపోయి చిందేయడం వరుడు భరించలేకపోయాడు. పైచేయి నాదే.. నీవు నీ కంట్రోల్ లోనే ఉండాలి.. ఇలా సాగింది ఆ పాట. దీంతో..చిరెత్తుకొచ్చిన వరుడు ఈ ఆధిపత్యం భరించలేనంటూ అప్పటికప్పుడు భార్యకు విడాకులు ఇచ్చేశాడు. ఈ విషయమై ఇరు కుటుంబాల మధ్య గొడవలు, చర్చలు జరిగినా ఫలితం లేకపోయింది.
