Abn logo
Sep 27 2021 @ 06:51AM

బహిరంగంగా పాటలు పాడి నువ్వు పెద్ద పాపం చేశావంటూ ఓ యువతికి వేధింపులు.. వీడియో వైరల్

టెహ్రాన్: ప్రపంచ వ్యాప్తంగా ఎక్కడో ఒకచోట మహిళలను వేధిస్తున్న ఉదంతాలు ప్రతీరోజూ చోటుచేసుకుంటున్నాయి. తాజాగా ఇరాన్‌లో ఇటువంటి ఉందంతమొకటి వెలుగు చూసింది. ఈ ప్రాంతానికి చెందిన ఒక మహిళ బహిరంగంగా పాట పాడినందుకు అవహేళనకు గురైంది. ఈ ఉదంతానికి సంబంధించిన ఒక వీడియో సోషల్ మీడియాలో వైరల్‌గా మారింది. ఈ వీడియోలో ఒక మహిళ చేతిలో గిటార్ పట్టుకుని, దానిని వాయిస్తూ కనిపిస్తోంది. అదేసమయంలో అక్కడున్న ఒక వ్యక్తి ఆ మహిళ పాట పాడటాన్ని అడ్డుకున్నాడు.

సోషల్ మీడియాలో ఈ వీడియోను రష్యా జర్నలిస్టు మహీసా అలినెజాద్ షేర్ చేశారు. దానిలో ఒక మహిళ పాటపాడుతుండగా, దానిని ఒక వ్యక్తి అడ్డుకుంటూ కనిపిస్తున్నాడు. అయితే దీనిని గమనించిన అక్కడున్న కొంతమంది జనం ఆ మహిళకు మద్దతునిస్తూ కనిపిస్తున్నారు. ఈ వీడియోను షేర్ చేసిన జర్నలిస్టు... ‘ఈ వివాదం ఇరాన్‌లో చోటుచేసుకుంది. పాటపాడుతున్న ఒక మహిళను నేవీ పోలీస్ ఇబ్బందులకు గురిచేశాడు. మహిళలు పాటలు పాడటం పాపం అని అన్నాడు. అయితే అక్కడున్న కొంతమంది ఆమెను పాటను కొనసాగించాలని ప్రోత్సహించారు. దీంతో ఆ వ్యక్తి వారికి సమాధానమిస్తూ బహిరంగ ప్రదేశాల్లో మహిళలు పాటలు పాడటం పాపం. వారు పాటలు పాడవచ్చు... కానీ బహిరంగ ప్రదేశాల్లో కాదు’ అని అన్నాడు. ఈ మాట వినగానే అక్కడున్న జనం... దేశంలో దోపిడీలు, దొంగతనాలు లాంటి సమస్యలు అనేకం ఉన్నాయి. నీ దృష్టి వాటిమీద పెట్టు... అని అన్నారు. అక్కడున్నవారంతా మద్దతు పలకడంతో ఆమె తిరిగి తన పాటను కొనసాగింది.

ఇవి కూడా చదవండిImage Caption

ప్రత్యేకంమరిన్ని...