అంతర్‌ఘోష!
ABN , First Publish Date - 2020-08-31T06:35:40+05:30 IST
ఆకాశంలో పొంగిపొర్లే సముద్రం నీటిగుంటలో రాలే చినుకుల గిలిగింతలు భూమి పొరల్లో పొంగి అవని నిండా రోదసిలోకి...
ఆకాశంలో పొంగిపొర్లే సముద్రం
నీటిగుంటలో రాలే చినుకుల గిలిగింతలు
భూమి పొరల్లో పొంగి
అవని నిండా రోదసిలోకి
అందుకోలేని దిగంతాల-
అంచులదాకా పయనించి
సాగరంలో మునకేసేదాకా
గాలివానలో పరవశించి
జలదరించే చెట్ల నడుమ
ప్రాణుల ఆదిమవాంఛ!
వేల తరాల నుంచి
మొగ్గ తొడిగి పుష్పించి
వాడిపోయి రాలి,
నేలలోంచి మళ్ళీ
అంకురించే జీవమే -
ధరిత్రి నిండా!
మన తాతల ముత్తాతల
అనేక తరాల శ్రమ సాఫల్యం-
ఈ దుక్కి దున్నిన నేలలోనే
అరమోడ్పు కనులతో
విశ్వాంతరాల భాషలో
ప్రతిధ్వనించే
కొత్త తరాల అంతర్‌ ఘోష!
నిఖిలేశ్వర్‌
