Advertisement
Advertisement
Latest Telugu News
Advertisement
Published: Wed, 20 Oct 2021 20:53:00 IST

హెల్త్ వర్కర్లకు బీమా పథకం పొడిగింపు

twitter-iconwatsapp-iconfb-icon
హెల్త్ వర్కర్లకు బీమా పథకం పొడిగింపు

న్యూఢిల్లీ : కోవిడ్-19 మహమ్మారిపై పోరాడుతూ, రోగులకు సేవలందిస్తున్న హెల్త్‌కేర్ వర్కర్లకు ప్రధాన మంత్రి గరీబ్ కల్యాణ్ ప్యాకేజీ (పీఎంజీకేపీ) క్రింద బీమా పథకాన్ని కేంద్ర ప్రభుత్వం పొడిగించింది. బుధవారం విడుదల చేసిన ఓ ప్రకటనలో తెలిపిన వివరాల ప్రకారం, ఈ పథకం గడువు 2021 అక్టోబరు 20తో ముగిసింది. దీనిని అక్టోబరు 21 నుంచి మరో 180 రోజుల వరకు పొడిగిస్తూ ఆదేశాలు ఇచ్చింది. ఈ మహమ్మారి తీవ్రత ఇప్పటికీ తగ్గకపోవడం, దేశంలో కోవిడ్ సంబంధిత విధులు నిర్వహిస్తున్న హెల్త్‌కేర్ వర్కర్లు మరణిస్తుండటంతో ఈ నిర్ణయం తీసుకుంది. కోవిడ్ రోగులకు సేవలందించే హెల్త్‌‌కేర్ వర్కర్లపై ఆధారపడినవారికి భద్రత, రక్షణ కల్పించేందుకు ఈ పథకాన్ని పొడిగించింది. ఈ పథకం క్రింద ఇప్పటి వరకు 1,351 క్లెయిములకు సొమ్ము చెల్లించింది. 


పీఎంజీకేపీ బీమా పథకం హెల్త్‌కేర్ వర్కర్ల కోసం 2020 మార్చి 30న ప్రారంభమైంది. దీని క్రింద రూ.50 లక్షలు వరకు సమగ్ర వ్యక్తిగత ప్రమాద బీమా కవరేజ్ ఉంది. కోవిడ్-19 రోగులకు సేవలందిస్తూ, ప్రమాదకర పరిస్థితుల్లో పని చేసే హెల్త్‌కేర్ వర్కర్లు దీనివల్ల ప్రయోజనం పొందవచ్చు. కమ్యూనిటీ హెల్త్ వర్కర్లు, ప్రైవేట్ హెల్త్ వర్కర్లు కూడా ఈ పథకం పరిధిలోకి వస్తారు. 


బీమా పథకం గడువు పెంపు గురించి అన్ని రాష్ట్రాలు, కేంద్ర పాలిత ప్రాంతాల ప్రభుత్వాలకు ఓ లేఖ ద్వారా కేంద్ర ప్రభుత్వం బుధవారం తెలియజేసింది. ఈ సమాచారాన్ని హెల్త్ వర్కర్లకు తెలియజేయాలని తెలిపింది. 


Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.