పండ్లతో తక్షణ శక్తి!
ABN , First Publish Date - 2021-04-25T05:30:00+05:30 IST
వేసవిలో పండ్లు అధికంగా తినడం ద్వారా డీహైడ్రేషన్‌ బారినపడకుండా చూసుకోవచ్చు. అంతేకాకుండా శరీరానికి కావలసిన పోషకాలు, యాంటీ ఆక్సిడెంట్లు లభిస్తాయి...
- వేసవిలో పండ్లు అధికంగా తినడం ద్వారా డీహైడ్రేషన్‌ బారినపడకుండా చూసుకోవచ్చు. అంతేకాకుండా శరీరానికి కావలసిన పోషకాలు, యాంటీ ఆక్సిడెంట్లు లభిస్తాయి.
- బ్లూబెర్రీస్‌, స్ట్రాబెర్రీస్‌, రాస్ప్‌బెర్రీస్‌, బ్లాక్‌బెర్రీస్‌, గూస్‌బెర్రీస్‌ అని రకరకాల బెర్రీలు అందుబాటులో ఉన్నాయి. వీటిలోయాంటీఆక్సిడెంట్లు, విటమిన్స్‌, తగినంత ఫైబర్‌ లభిస్తుంది. రోజూ అరకప్పు నుంచి ఒక కప్పు బె ర్రీస్‌ తీసుకోవాలి. గ్రిల్డ్‌ మీట్‌, సలాడ్స్‌తో కలిపి కూడా బెర్రీస్‌ తినొచ్చు.
- యాపిల్స్‌, పియర్స్‌లో చక్కెర శాతం తక్కువగా, ఫైబర్‌ ఎక్కువగా ఉంటుంది. యాంటీఆక్సిడెంట్లు పుష్కలంగా ఉంటాయి.
- నిమ్మజాతి పండ్లలో చక్కెర ఎక్కువగా ఉంటుంది. కానీ ద్రాక్ష పండ్లలో ఉండదు. వీటిని సలాడ్స్‌తో కలిపి తీసుకోవచ్చు. ద్రాక్షను అవకాడో ముక్కలతో కలిపి తీసుకుంటే మరింత ఆస్వాదించవచ్చు.
- యాపిల్స్‌, పియర్స్‌లో మాదిరిగానే అప్రికాట్స్‌ పోషకాలు పుష్కలంగా లభిస్తాయి. అంతేకాకుండా విటమిన్‌ సి, ఫైబర్‌ అధికంగా లభిస్తుంది.
- అరటిపండ్లు ఏడాది పొడవునా లభిస్తాయి. వీటిని ఎనర్జీ పవర్‌ హౌజ్‌లుగా చెప్పుకోవచ్చు.
- వేసవిలో ముందుగా ఇష్టపడేది మామిడిపండ్లనే. ఈ సీజన్‌లోనే మామిడి పండ్లు లభిస్తాయి. నేరుగా తినే కన్నా జ్యూస్‌ రూపంలో తీసుకుంటే తక్షణ శక్తి లభిస్తుంది. శరీరానికి కావలసిన పోషకాలు సమకూరుతాయి.
Updated Date - 2021-04-25T05:30:00+05:30 IST
