Advertisement
Advertisement
Latest Telugu News
Advertisement
Published: Wed, 21 Sep 2022 20:17:44 IST

SOVA Android Trojan: కొత్త మాల్‌వేర్ ‘సోవా’ కలకలం.. కస్టమర్లకు బ్యాంకుల హైఅలెర్ట్.. 200 యాప్స్ టార్గెట్

twitter-iconwatsapp-iconfb-icon
SOVA Android Trojan: కొత్త మాల్‌వేర్ సోవా కలకలం.. కస్టమర్లకు బ్యాంకుల హైఅలెర్ట్.. 200 యాప్స్ టార్గెట్

న్యూఢిల్లీ : యాప్‌లు(apps) డౌన్‌లోడ్ చేసుకునే విషయంలో జాగ్రత్త వహించాలని, అధికారిక యాప్ స్టోర్ల(app stores) నుంచి మాత్రమే ఇన్‌స్టాల్ చేసుకోవాలని భారతీయ బ్యాంకులు(Indian banks) తమ కస్టమర్లను హెచ్చరించాయి. ట్రొజన్ వైరస్ (Trojan virus) కొత్త వెర్షన్ ‘సోవా’(SOWA) మాల్‌వేర్ మొబైల్ బ్యాంకింగ్(Mobile banking), క్రిప్టో(cryptos)కు సంబంధించిన 200 లకుపైగా యాప్స్‌ను టార్గెట్ చేస్తోందని బ్యాంకులు అప్రమత్తం చేశాయి. ఈ మాల్‌వేర్ బ్యాంక్ కస్టమర్ల  లాగిన్ వివరాలు, కుకీస్‌ను దొంగిలించి మోసగాళ్లకు చేరవేస్తాయని వివరించాయి. ఈ వైరస్ ఆండ్రాయిడ్ ఫోన్‌ను ఎన్‌క్రిప్ట్ చేస్తుందని కేంద్రప్రభుత్వ విభాగం సీఈఆర్‌టీ-ఇన్ (Indian Computer Emergency Response Team) ఇటివలే అడ్వైజరీ విడుదల చేసింది. సోవా ఆండ్రాయిడ్ ట్రొజన్‌ వైరస్‌పై జాగ్రత్తగా ఉండాలంటూ యాప్స్ డౌన్‌లోడ్స్‌పై హెచ్చరించింది. ఈ వైరస్ మొబైల్ బ్యాంకింగ్ వివరాలను దోచేసి మోసగాళ్ల చేతికి చేరవేస్తుందని తెలిపింది. ఈ నేపథ్యంలోనే భారతీయ బ్యాంకులు తమతమ కస్టమర్లను అప్రమత్తం చేశాయి. కస్టమర్లను హెచ్చరించిన బ్యాంకుల జాబితాలో హెచ్‌డీఎఫ్‌సీ బ్యాంకు, ఐడీబీఐ బ్యాంకు, కరూర్ వైశ్యా బ్యాంక్‌తోపాటు పలు బ్యాంకులు ఉన్నాయి.  


ఏంటీ సోవా ?

సోవా అనేది ఆండ్రాయిడ్ బ్యాంకింగ్ ట్రొజన్ మాల్‌వేర్. ఇది బ్యాంకింగ్ యాప్స్‌ను టార్గెట్ చేస్తుంది. ఈ మాల్‌‌వేర్ బ్యాంకింగ్ యాప్స్‌పై నకిలీ పొరలను (false layers) ఏర్పాటు చేస్తుంది. ఆ పొరల సహాయంతో పేమెంట్‌తోపాటు యాప్ వివరాలను చోరికి గురవుతాయి. ఈ వైరస్‌ను సెప్టెంబర్ 2021లో అండర్‌గ్రౌండ్ మార్కెట్లలో విక్రయించారు. యూజర్ పేర్లు, పాస్‌వర్డులను కూడా దొంగిలించగలదని సీఈఆర్‌టీ-ఇన్ తెలిపింది. ఈ వైరస్ తొలుత అమెరికా, రష్యా, స్పెయిన్‌పై మాత్రమే ఫోకస్ చేసింది. అయితే జులై 2022 నాటికి భారత్ సహా పలు దేశాల్లోనూ గుర్తించారు.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.