Kuwait: ఇంటి పేరట్లో నల్లమందు మొక్క పెంపకం.. భారత ప్రవాసుడి అరెస్ట్!

ABN , First Publish Date - 2022-04-14T13:25:26+05:30 IST

కువైత్‌లో తన ఇంటి పేరట్లో నల్లమందు మొక్కను(ఓపియం పోపీ శాస్త్రీయ నామము) పెంచినందుకు భారతీయుడిని అక్కడి సెక్యూరిటీ అధికారులు అదుపులోకి తీసుకున్నారు.

Kuwait: ఇంటి పేరట్లో నల్లమందు మొక్క పెంపకం.. భారత ప్రవాసుడి అరెస్ట్!

కువైత్ సిటీ: కువైత్‌లో తన ఇంటి పేరట్లో నల్లమందు మొక్కను(ఓపియం పోపీ శాస్త్రీయ నామము) పెంచినందుకు భారతీయుడిని అక్కడి సెక్యూరిటీ అధికారులు అదుపులోకి తీసుకున్నారు. దీనికి సంబంధించిన పూర్తి వివరాల్లోకి వెళ్తే.. కువైత్‌లోని ఫహాహీల్‌లో ఈ ఘటన చోటు చేసుకుంది. స్థానికంగా నివాసముండే ఓ భారత ప్రవాసుడు తన ఇంటి పేరట్లో ఏకంగా నార్కోటిక్ మొక్కను పెంచుతున్నాడు. దీనిపై సమాచారం అందుకున్న అహ్మది సెక్యూరిటీ అధికారులు సదరు వ్యక్తి ఇంటికి చేరుకుని అతడిని అరెస్ట్ చేశారు. పేరటిని సీజ్ చేసిన అధికారులు.. అందులోని మొక్కలను పరీక్షల నిమిత్తం ఫోరెన్సిక్‌కు పంపించారు. అనంతరం ఈ విషయమై జనరల్ అడ్మినిస్ట్రేషన్ ఆఫ్ నార్కోటిక్ కంట్రోల్‌కు సమాచారం అందించారు. అయితే, అధికారులు అదుపులోకి తీసుకున్న భారతీయుడి వివరాలను మాత్రం వెల్లడించలేదు. ప్రస్తుతం సదరు వ్యక్తిని అధికారులు పబ్లిక్ ప్రాసిక్యూషన్ ముందు హాజరుపరిచే పనిలో ఉన్నారు.  

Updated Date - 2022-04-14T13:25:26+05:30 IST