షాకిర్ మంజూర్ అహ్మద్... బల్పోరాలో టెరిటోరియల్ ఆర్మీ యూనిట్‌లో రైఫిల్ మ్యాన్‌గా విధులు నిర్వహిస్తున్నారు. 2020, ఆగస్టు 2న ఇంట్లో ఈద్ విందు పూర్తయిన తరువాత నుంచి అతను అదృశ్యమయ్యారు. షాకిర్ విధులు నిర్వహిస్తున్న స్థలం నుంచి ఉగ్రవాదులు అతనిని కిడ్నాప్ చేశారు. అయితే అదేరాత్రి కుల్గాం జిల్లాలోని ఒక పొలంలో ఒక మృతదేహం లభ్యమయ్యింది. అయితే అది తమ కుమారునిది కాదని మంజూర్ అహ్మద్ గుర్తించారు. అప్పటి నుంచి మంజూర్ అహ్మద్ తన కుమారుని కోసం వెదుకుతున్నారు. ఈ నేపధ్యంలోనే తాజాగా వచ్చిన ఫోను ఆధారంగా మంజూర్ అహ్మద్ తన కుమారుని మృతదేహాన్ని గుర్తించారు. కాగా షాకిర్ అదృశ్యమైనప్పటి నుంచి అతని సోదరుడు షాన్ తన కాలేజీ చదువును మానివేసి, సోదరుని కోసం వెదుకులాట సాగించారు. ఈ ఉదంతంపై జమ్ముకశ్మీర్ డీజీపీ దిల్‌బాగ్ సింగ్ మాట్లాడుతూ షాకిర్ మృతదేహాన్ని అతని కుటుంబ సభ్యులు గుర్తించారని స్ఫష్టం చేశారు.
ఇవి కూడా చదవండి