అమెరికాలో భారత సంతతి వ్యక్తికి అరుదైన గౌరవం.. సౌత్ ఆసియాలోనే మొదటి వ్యక్తిగా గుర్తింపు!

కాలిఫోర్నియా: అగ్రరాజ్యం అమెరికాలో భారత సంతతి వ్యక్తి అరుదైన గౌరవం లభించింది. ఆరెంజ్ కౌంటీలోని సుపీరియర్ కోర్టు జడ్జ్‌గా నియామకం అయ్యారు. దీంతో ఆ పదవిని చేపట్టిన మొట్టమొదటి వ్యక్తిగా ఆయన గుర్తింపు పొందారు. పూర్తి వివరాల్లోకి వెళితే..

కాలిఫోర్నియా గవర్నర్ గావిన్ న్యూసమ్.. భారత సంతతికి చెందిన 39ఏళ్ల వైభవ్ మిట్టల్‌ను ఆరెంజ్ కౌంటీ సుపీరియర్ కోర్టు న్యాయమూర్తిగా నియమించారు. ఈ క్రమంలో ఆయన ఈ నెల 10న ప్రమాణ స్వీకారం చేసి, బాధ్యతలు స్వీకరించారు. దీంతో రొనాల్డ్ ఎల్ బాయర్ స్థానాన్ని వైభవ్ మిట్టల్ భర్తీ చేశారు. ఈ నేపథ్యంలో ఆరెంజ్ కౌంటీ సుపీరియర్ కోర్టు న్యాయమూర్తిగా బాధ్యతలు స్వీకరించిన మొట్టమొదటి సౌత్ ఆసియన్ వ్యక్తిగా మిట్టల్ వైభవ్ గుర్తింపు పొందారు.