అమెరికాలో మరో భారతీయుడికి కీలక పదవి..
ABN , First Publish Date - 2021-12-29T21:42:57+05:30 IST
అగ్రరాజ్యం అమెరికాలో మరో ఇండియన్ అమెరికన్‌కు అరుదైన గౌరవం దక్కింది. హెల్త్ డిపార్ట్‌మెంట్‌లో కీలక పదవి చేపట్టనున్నారు. ఇందుకు సంబంధించిన పూర్తి వివరాల్లోకి వెళితే..
ఎన్నారై డెస్క్: అగ్రరాజ్యం అమెరికాలో మరో ఇండియన్ అమెరికన్‌కు అరుదైన గౌరవం దక్కింది. హెల్త్ డిపార్ట్‌మెంట్‌లో కీలక పదవి చేపట్టనున్నారు. ఇందుకు సంబంధించిన పూర్తి వివరాల్లోకి వెళితే..
భారత‌కు చెందిన డాక్టర్ అశ్విన్ వాసన్ న్యూయార్క్‌లో ఎపిడెమాలజిస్ట్‌గా పని చేస్తున్నారు. కాగా.. అశ్విన్ వాసన్‌ను డిపార్ట్‌మెంట్ ఆఫ్ హెల్త్ అండ్ మెంటల్ హైజీన్ (డీఓహెచ్ఎమ్‌హెచ్) కమిషనర్‌గా నియమిస్తూ న్యూయార్క్ సిటీ మేయర్ ఎలెక్ట్ ఎరిక్ ఆడమ్స్ ప్రకటించారు. ప్రస్తుతం డీఓహెచ్ఎమ్‌హెచ్ కమిషనర్‌గా డాక్టర్ డేవ్ ఏ చోక్సీ పని చేస్తుండగా.. ఆయన పదవికాలం మరో మూడు నెలల్లో ముగియనుంది. అనంతరం డాక్టర్ అశ్విన్ వాసన్.. కమిషనర్‌గా బాధ్యతలు స్వీకరిస్తారు. కాగా.. ఇప్పటికే చాలా మంది ఇండియన్ అమెరికన్లు అమెరికాలో కీలక పదవుల్లో ఉన్న విషయం తెలిసిందే.
