Sep 22 2021 @ 01:00AM

అక్టోబర్‌ తొలి వారంలో...

రవితేజ వేగం పెంచారు. ఓ సినిమా తర్వాత మరో సినిమాను పట్టాలు ఎక్కిస్తున్నారు. ‘ఖిలాడి’ చిత్రీకరణ కొంత పూర్తి చేశాక... ‘రామారావు ఆన్‌ డ్యూటీ’ని సెట్స్‌ మీదకు తీసుకువెళ్లారు. త్వరలో మరో సినిమా చిత్రీకరణ ప్రారంభించడానికి ఆయన గ్రీన్‌ సిగ్నల్‌ ఇచ్చారు. త్రినాథరావు నక్కిన దర్శకత్వంలో రవితేజ ఓ సినిమా చేయనున్న సంగతి తెలిసిందే. అక్టోబర్‌ తొలి వారంలో చిత్రీకరణ ప్రారంభించనున్నామని దర్శకుడు పేర్కొన్నారు. స్ర్కిప్ట్‌ వర్క్‌ మొత్తం పూర్తయిందని, అభిమానులకు ఈ సినిమా విందు భోజనంలా ఉంటుందని ఆయన వెల్లడించారు. ఇందులో రవితేజ సరసన శ్రీలీల కథానాయికగా నటించనున్నారు.