వేసవిలో రోజుకు ఎన్ని లీటర్ల నీరు తాగాలి?.. నిపుణులు చెప్పిందిదే..

వేసవి కాలం కొనసాగుతోంది. ఈ సీజన్‌లో చెమటలు పట్టడం సాధారణం. ముఖ్యంగా నుదిటి నుండి చెమట కారుతుంది. అందుకే వీలైనంత వరకూ ఎండలో బయటకు వెళ్ల కూడదు. వేసవిలో నిర్జలీకరణ ముప్పు పెరుగుతుంది. డీహైడ్రేషన్ అంటే శరీరంలో నీరు లేకపోవడం. అందుకే వేసవిలో నీరు ఎక్కువగా తాగాలని, దానితో పాటు పండ్లు, జ్యూస్‌లు, ఇతర పానీయాలు తీసుకోవాలని నిపుణులు చెబుతుంటారు. ఒక వ్యక్తి ప్రతిరోజూ కనీసం 2 నుండి 3 లీటర్ల నీరు తాగాలి. అయితే వేడి ఎక్కువగా ఉన్నప్పుడు శరీరానికి చెమటలు పట్టి నీటి కొరత ఏర్పడుతుంది. 

ఇటువంటి సందర్భంలో, 3 నుండి 4 లీటర్ల నీరు తాగాలి. సీనియర్ ఫిజీషియన్ డాక్టర్ ప్రవీణ్ సింగ్ తెలిపిన వివరాల ప్రకారం ఒక్కసారిగా నీరు తాగడానికి బదులుగా సిప్ బై సిప్ తాగాలి. ఇది జీర్ణ శక్తిని కూడా మెరుగుపరుస్తుంది. 2021లో నిర్వహించిన ఒక అధ్యయనం ప్రకారం నీరు మనకు చాలా ముఖ్యమైనది. మనం కనీసం 8 గ్లాసుల నీరు తాగాలి. ఇలా చేయడం వల్ల మన శరీరం హైడ్రేట్‌గా, ఆరోగ్యంగా ఉంటుంది.  శరీరంలో నీటి కొరత లేకుండా ఉంటే, అప్పుడు మీరు అనారోగ్యం బారిన పడరు. రోజుకు కనీసం 8 గ్లాసుల నీరు తాగేవారిలో హీట్ స్ట్రోక్ వచ్చే అవకాశాలు కూడా తగ్గుతాయని డాక్టర్ సింగ్ వివరించారు. శరీరానికి 65 శాతం నీరు అవసరమని, అందులో ఎక్కువ భాగం కణాల లోపలే ఉంటుందని డాక్టర్ సింగ్ తెలిపారు.