అల్వాల్ కొత్త చెరువులో గుర్రపు డెక్క
ABN , First Publish Date - 2020-07-09T10:23:53+05:30 IST
అల్వాల్ కొత్త చెరువు నిండా గుర్రపు డెక్క విస్తరించింది. గుర్రపుడెక్కను తొలగిస్తామని ..
తొలగించని అధికారులు
అల్వాల్, జూలై 8 (ఆంధ్రజ్యోతి): అల్వాల్ కొత్త చెరువు నిండా గుర్రపు డెక్క విస్తరించింది. గుర్రపుడెక్కను తొలగిస్తామని జీహెచ్ఎంసీ అధికారులు చెబుతున్నా పనులు చేపట్టలేదు. చెరువును సుందరీకరిస్తామని చెప్పిన ప్రజా ప్రతినిధులు పట్టించుకోవడం లేదు. చెరువు పరిసరాలన్నీ దుర్గంధంగా మారడంతోపాటు దోమలు, క్రిమికీటకాలకు నిలయాలుగా మారాయి. దీంతో ప్రజలు ఇబ్బందులకు గురవుతున్నారు.
అధికారుల నిర్లక్ష్యం
చెరువులో గుర్రపుడెక్క పెరగడంతో దోమలు వృద్ధి చెంది మలేరియా, డెంగీ వంటి వ్యాధులు ప్రబలుతాయని అధికారులకు తెలిసినా నిర్లక్ష్యంగా వ్యవహరిస్తున్నారని స్థానికులు ఆరోపిస్తున్నారు. ఇప్పటికైనా గుర్రపుడెక్కను తొలగించాలని కోరుతున్నారు.
టెండర్లు పిలిచాం.. అనిల్, ఏఈ, ఎంటమాలజీ
చెరువులో గుర్రపుడెక్కను తొలగించడానికి టెండర్లు పిలిచాం. త్వరలో పనులు ప్రారంభిస్తాం.