హోండా తొలి 350సీసీ బైక్‌

ABN , First Publish Date - 2020-10-01T06:19:16+05:30 IST

హోండా మోటార్‌సైకిల్‌ అండ్‌ స్కూటర్‌ ఇండియా(హెచ్‌ఎంఎ్‌సఐ) తాజాగా మిడ్‌ సైజ్‌ బైక్‌ విభాగంలోకి ప్రవేశించింది. ‘హైనెస్‌ సీబీ 350’ పేరుతో కొత్త మోటార్‌ సైకిల్‌ను ఆవిష్కరించింది...

హోండా తొలి 350సీసీ బైక్‌

  • రూ.1.90 లక్షలు!


న్యూఢిల్లీ: హోండా మోటార్‌సైకిల్‌ అండ్‌ స్కూటర్‌ ఇండియా(హెచ్‌ఎంఎ్‌సఐ) తాజాగా మిడ్‌ సైజ్‌ బైక్‌ విభాగంలోకి ప్రవేశించింది. ‘హైనెస్‌ సీబీ 350’ పేరుతో కొత్త మోటార్‌ సైకిల్‌ను ఆవిష్కరించింది. ‘రాయల్‌ ఎన్‌ఫీల్డ్‌ క్లాసిక్‌ 350’కి పోటీగా మార్కెట్లోకి ప్రవేశపెట్టబోతోన్న ఈ బైక్‌ ప్రారంభ ధరను దాదాపు రూ.1.90 లక్షల స్థాయిలో నిర్ణయించే అవకాశం ఉంది. బీఎస్‌-6 ప్రమాణాలతో కూడిన ఈ రెట్రో క్రూయిజర్‌ పెట్రోల్‌ ఇంజిన్‌ బైక్‌ను ‘బిగ్‌ వింగ్‌’ సేల్స్‌ నెట్‌వర్క్‌ ద్వారా విక్రయించనున్నట్లు కంపెనీ తెలిపింది. మొత్తం రెండు వేరియంట్లలో(డీలక్స్‌, డీలక్స్‌ ప్రో) లభించనుంది. బిగ్‌ వింగ్‌ షోరూమ్‌లతో పాటు కంపెనీ వెబ్‌సైట్‌ ద్వారా ఈ బైక్‌ బుకింగ్స్‌ను ఇప్పటికే ప్రారంభించినట్లు హెచ్‌ఎంఎ్‌సఐ ఎండీ, ప్రెసిడెంట్‌, సీఈఓ అట్సుషి ఒగాటా తెలిపారు. బిగ్‌ వింగ్‌ డీలర్‌షి్‌పలను దేశవ్యాప్తంగా విస్తరించాలని అనుకుంటున్నట్లు, ఈ ఆర్థిక సంవత్సరం చివరి నాటికి 50 డీలర్‌షి్‌పలను ఏర్పాటు చేయాలని లక్ష్యంగా పెట్టుకున్నట్లు ఆయన చెప్పారు. 

Updated Date - 2020-10-01T06:19:16+05:30 IST