పెళ్లి సమయంలో కూడా ల్యాప్‌టాప్‌తో పని చేస్తున్న వరుడిని చూసి వధువు షాకింగ్ రియాక్షన్..!

కరోనా మహమ్మారి తర్వాత మానవ జీవితంలో ఎన్నో మార్పులు చోటు చేసుకున్నాయి. ముఖ్యంగా ఉద్యోగస్తులు ఇంటి నుంచే పని చేయడం ప్రారంభించారు. దాదాపు సాఫ్ట్‌వేర్ ఉద్యోగులందరూ `వర్క్ ఫ్రమ్ హోమ్` చేస్తున్నారు. అయితే ఓ వ్యక్తి `వర్క్ ఫ్రమ్ వెడ్డింగ్` చేస్తూ సోషల్ మీడియాలో వైరల్ అయ్యాడు. పెళ్లి వేదిక వద్ద కూడా ల్యాప్‌టాప్‌లో పని చేసుకుంటూ కనిపించాడు. వరుడి పరిస్థితి చూసి అక్కడే ఉన్న వధువు పగలబడి నవ్వింది. 

ఆ దృశ్యాన్ని వీడియో తీసిన వ్యక్తులు సోషల్ మీడియాలో పోస్ట్ చేశారు. వరుడు ఒకవైపు పెళ్లి తంతు నిర్వహిస్తూనే మరోవైపు ల్యాప్‌టాప్‌తో కుస్తీలు పడుతున్నాడు. అక్కడే ఉన్న వధువు, బంధువులు అందరూ ఆ దృశ్యాన్ని చూసి నవ్వుతున్నారు. ఈ వీడియో ఇప్పటికే పది లక్షలకు పైగా వ్యూస్ దక్కించుకుంది. ఈ వీడియోపై నెటిజన్లు తమదైన శైలిలో కామెంట్లు చేస్తున్నారు.