Advertisement
Advertisement
Latest Telugu News
Advertisement

Green Card: భారతీయులకు మరికొంత కాలం నిరీక్షణ తప్పదు..!

twitter-iconwatsapp-iconfb-icon
Green Card: భారతీయులకు మరికొంత కాలం నిరీక్షణ తప్పదు..!

గ్రీన్‌కార్డుల కోసం ఎదురుతెన్నులే!

పెండింగ్‌లో 3.69 లక్షల ఉపాధి ఆధారిత వీసా దరఖాస్తులు

న్యూఢిల్లీ, జూలై 21: అమెరికాలో గ్రీన్‌కార్డు కోసం భారతీయులు మరికొంత కాలం వేచిచూడాల్సిన పరిస్థితి ఏర్పడుతోంది. 3,69,322 ఎంప్లాయ్‌మెంట్‌ వీసా పిటిషన్లకు ఆమోదం పొందిన వారు గ్రీన్‌కార్డు కోసం ఎదురుచూస్తున్నారు. వీరంతా ఈబీ2, ఈబీ3 (వృత్తి నిపుణులు, నైపుణ్యం కలిగిన వర్కర్లు) కేటగిరీల కింద దరఖాస్తు చేసుకున్నారు. వలస కార్మికులకు వీసాలు స్పాన్సర్‌ చేసేందుకు టెక్నాలజీ కంపెనీలు వీటిని వినియోగించుకుంటాయి. ఉపాధి ఆధారిత గ్రీన్‌ కార్డును పొందడానికి మొద టి అడుగైన ఫామ్‌ ఐ-140 అప్రూవల్‌ను ఈ దరఖాస్తుదారులు పొందారు. ఐ-140 అప్రూవల్‌ తర్వాత గ్రీన్‌కార్డుల కోసం భారతీయులు ఏళ్ల తరబడి ఎదురుచూడాల్సి వస్తోంది. యూ ఎస్‌ సిటిజన్‌షి్‌ప అండ్‌ ఇమ్మిగ్రేషన్‌ సర్వీసెస్‌(యూఎ్‌ససీఐఎస్‌) ప్రాసెసింగ్‌లో జాప్యమే దీనికి కారణమని ఇమ్మిగ్రేషన్‌ డాట్‌ కామ్‌ మేనేజింగ్‌ పార్ట్‌నర్‌ రాజీ వ్‌ ఎస్‌ ఖన్నా చెబుతున్నారు. యూఎస్‌సీఐఎస్‌ వివరాల ప్రకారం.. 2022 సంవత్సరం మొదటి రెండు త్రైమాసికాల్లో భారతీయులు అధిక సంఖ్యలో ఐ-140 పిటిషన్లు దాఖలు చేశారు. ఆరు నెలల్లో ఏజెన్సీకి 37,719 దరఖాస్తులు వచ్చాయి. ఇదేకాలంలో 25,274 ఐ-140 దరఖాస్తులకు ఆమోదం లభించింది.  

నాకు క్యాన్సర్‌: బైడెన్‌

చమురు శుద్ధి కర్మాగారాల నుంచి వచ్చే ఉద్గారాల వల్ల క్యాన్సర్‌ ముప్పు ఉందని చెప్పే క్రమంలో.. తాను క్యాన్సర్‌ బారిన పడ్డానంటూ అమెరికా అధ్యక్షుడు జో బైడెన్‌ చేసిన వ్యాఖ్యలు తీవ్ర దుమారం సృష్టించాయి. అధ్యక్షుడి వ్యాఖ్యలను రిపబ్లికన్లు సోషల్‌ మీడియాలో వైరల్‌ చేయడంతో.. వైట్‌హౌస్‌ ప్రతినిధులు వివరణ ఇవ్వాల్సి వచ్చింది. బైడెన్‌ అధ్యక్షుడు కాక ముందు ఆయన ‘నాన్‌ మెలనోమా చర్మ క్యాన్సర్‌’కు చికిత్స తీసుకున్నారని.. అధ్యక్షుడు అయ్యేనాటికి సంపూర్ణ ఆరోగ్యంతో ఉన్నారని శ్వేతసౌధం ఆ వివరణలో పేర్కొంది. 

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

Advertisement
OpinionPoll
Advertisement

ఓపెన్ హార్ట్Latest News in Telugu మరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.