Chitrajyothy Logo
Advertisement
Published: Thu, 30 Jun 2022 20:35:29 IST

మార్వెల్ అభిమానులకు శుభవార్త.. నాన్‌స్టాప్‌గా 96గంటల పాటు షోస్..

twitter-iconwatsapp-iconfb-icon

మార్వెల్ కామిక్స్‌కు ప్రపంచవ్యాప్తంగా అభిమానులుంటారు. ఆ కామిక్స్‌ను మార్వెల్ స్టూడియోస్ తెర మీదకు తీసుకువస్తుంది. మార్వెల్ స్టూడియోస్ నుంచి చివరగా వచ్చిన చిత్రం ‘డాక్టర్ స్ట్రేంజ్ ఇన్ ద మల్టీవెర్స్ ఆఫ్ మాడ్‌నెస్’(Doctor Strange in the Multiverse of Madness). ఈ సినిమా ఇండియన్ బాక్సాఫీస్ వద్ద రూ. 100కోట్లకు పైగా కలెక్షన్స్‌ను కొల్లగొట్టింది. మార్వెల్ యూనివర్స్ నుంచి తాజాగా వస్తున్న సినిమా ‘‘థోర్ లవ్ అండ్ థండర్’’ (Thor:Love and Thunder). ఆస్కార్ విజేత తైకా వెయిటిటి (Taika Waititi) దర్శకత్వం వహించారు. క్రిస్ హ్యామ్స్‌వర్త్ (Chris Hemsworth), నటాలీ ఫోర్ట్‌మన్(Natalie Portman) కీలక పాత్రలు పోషించారు. ఈ సినిమా ప్రపంచవ్యాప్తంగా జులై 8న విడుదల కానుంది. కానీ, ఇండియాలో ఒక రోజు ముందుగానే జులై 7నే విడుదల చేస్తామని గతంలోనే మేకర్స్ ప్రకటించారు. తాజాగా మార్వెల్ అభిమానులకు ఆ సంస్థ మరో శుభవార్త  చెప్పింది. 


‘థోర్ లవ్ అండ్ థండర్’ సినిమాను ఇండియాలో నాన్‌స్టాప్‌గా 96గంటల పాటు ప్రదర్శిస్తామని మార్వెల్ స్టూడియోస్ పేర్కొంది. జులై 7న 12:15am నుంచి జులై 10న 11:59pm వరకు షోలు ఉంటాయని ఆ సంస్థ చెప్పింది. ఎంపిక చేసిన థియేటర్స్‌లో ఈ ప్రదర్శనలు కొనసాగుతాయని వెల్లడించింది. ‘థోర్ లవ్ అండ్ థండర్’ ను ఇండియాలో ఆరు భాషల్లో విడుదల చేయబోతున్నారు. ఇంగ్లీష్‌, హిందీ, తెలుగు, తమిళం, కన్నడ, మలయాళం భాషల్లో ప్రేక్షకుల ముందుకు తీసుకువస్తున్నారు. ‘అవెంజర్స్ ఎండ్ గేమ్’ అనంతరం మూడేళ్ల తర్వాత క్రిస్ ఈ సినిమాతోనే ప్రేక్షకుల ముందుకు వస్తున్నారు. క్రిస్ హ్యామ్స్‌వర్త్, తైకా వెయిటిటి కలసి పనిచేయడం ఇది రెండోసారి. గతంలో ‘థోర్: రాగ్నరోక్’ కోసం వీరు చేతులు కలిపారు. 

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
Advertisement