Advertisement
Advertisement
Latest Telugu News
Advertisement

America: అగ్రరాజ్యంలో మరోమారు మహాత్మాగాంధీ విగ్రహానికి అవమానం

twitter-iconwatsapp-iconfb-icon
America: అగ్రరాజ్యంలో మరోమారు మహాత్మాగాంధీ విగ్రహానికి అవమానం

న్యూయార్క్‌లో గాంధీ విగ్రహం ధ్వంసం

రెండు వారాల్లో రెండో దాడి

ఖండించిన న్యూయార్క్‌ భారత కాన్సులేట్‌

నిందితులను సత్వరం పట్టుకోవాలని డిమాండ్‌

న్యూఢిల్లీ ఆగస్టు 19: అమెరికాలో భారత జాతిపిత మహాత్మాగాంధీ విగ్రహానికి మరోమారు అవమానం జరిగింది. న్యూయార్క్‌లోని శ్రీతులసి మందిర్‌ ఆలయం ఎదుట ఉన్న మహాత్ముడి విగ్రహాన్ని గుర్తుతెలియని దుండగులు పూర్తిగా ధ్వంసం చేశారు. రెండు వారాల వ్యవధిలో ఈ విగ్రహంపై ఇది రెండో దాడి. తాజా ఘటన ఈ నెల 16న చోటుచేసుకుంది. గుడి ఎదురుగా ఉన్న గాంధీజీ విగ్రహాన్ని సుత్తితో ధ్వంసం చేసిన ఆరుగురు దుండగులు, పెయింట్‌తో ద్వేషపూరిత వ్యాఖ్యలను రాశారని స్థానిక పోలీసులు తెలిపారు. ఈ నెల 3న సైతం ఈ విగ్రహంపై ఇదే తరహా దాడి జరగడం గమనార్హం. దుండగులందరూ పాతికేళ్ల నుంచి 30 ఏళ్ల లోపు వారేనని అధికారులు అంచనా వేస్తున్నారు.


ఈ ఘటనను న్యూయార్క్‌ స్టేట్‌ అసెంబ్లీ సభ్యుడు జెన్నిఫర్‌ రాజ్‌కుమార్‌ ఖండించారు. నిందితులను త్వరగా పట్టుకోవాలని ఆయన డిమాండ్‌ చేశారు. నూయార్క్‌ భారత కాన్సులేట్‌ జనరల్‌ ఈ ఘటనను ఖండిస్తూ శుక్రవారం ప్రకటన విడుదల చేసింది. ఇలాంటి చర్యకు పాల్పడిన వారిని సత్వరం పట్టుకోవాలని అమెరికా అధికారులకు స్పష్టం చేశామని అందులో పేర్కొంది.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

Advertisement
OpinionPoll
Advertisement

ఓపెన్ హార్ట్Latest News in Telugu మరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.