ఉచిత సేవలు మోటార్ ఇన్సూరెన్స్ పరిధిలోకి రావు: ఐఆర్డీఏఐ
ABN , First Publish Date - 2022-05-20T08:50:59+05:30 IST
మోటారు ఇన్సూరెన్స్పై బీమా నియంత్రణ మండలి ఐఆర్డీఏఐ మరింత స్పష్టత ఇచ్చింది.
న్యూఢిల్లీ: మోటారు ఇన్సూరెన్స్పై బీమా నియంత్రణ మండలి ఐఆర్డీఏఐ మరింత స్పష్టత ఇచ్చింది. వాహనాల పికప్, డ్రాపింగ్ వంటి ఉచిత సేవలు బీమా కవరేజీ పరిధిలోకి రావని స్పష్టం చేసింది. ఈ విషయాన్ని దృష్టిలో ఉంచుకుని బీమా కంపెనీలు ఈ ఉచిత సేవలను బీమా కవరేజీలో భాగమని తమ ప్రకటనల్లో చేర్చవద్దని కోరింది. బాడీ వాష్, ఇంటీరియర్ క్లీనింగ్, వాహనాల తనిఖీలు కూడా బీమా కవరేజీ పరిధిలోకి రావని ఐఆర్డీఏఐ తెలిపింది. బీమా కంపెనీలు ఈ ఉచిత సేవలను బీమా కవరేజీలో భాగంగా ప్రచారం చేసుకోవడం ఏ మాత్రం ఆమోదయోగ్యం కాదని స్పష్టం చేసింది. బీమా కంపెనీలు మోటారు గ్యారేజీలు, వర్క్షాపులతో కుదుర్చుకునే ఒప్పందాలు ప్రమాదాలకు లోనైన వాహనాల క్లెయిమ్ల పరిష్కారానికి అవసరమైన ఇన్సూరెన్స్ సేవల మాత్రమే అందించేందుకు మాత్రమే తోడ్పడతాయని పేర్కొంది.