Advertisement
Advertisement
Latest Telugu News
Advertisement

అమరుల త్యాగఫలమే స్వేచ్ఛా జీవనం

twitter-iconwatsapp-iconfb-icon

అనకాపల్లి హౌసింగ్‌ పీడీ కూర్మినాయుడు


కొయ్యూరు, ఆగస్టు 14: ప్రస్తుతం స్వేచ్ఛా జీవనానికి అమరవీరుల త్యాగ ఫలితమే కారణమని అనకాపల్లి జిల్లా గృహ నిర్మాణ శాఖ పీడీ పి.కూర్మినాయుడు పేర్కొన్నారు. మండలంలోని నడింపాలెం శివారు లంకవీధిలో నివసిస్తున్న స్వాతంత్య్ర సమరయోధుడు, అల్లూరి అనుచరుడు గాం గంటందొర మనువడు బోడిదొరను ఆదివారం కలసి ఘనంగా సత్కరించారు. అనంతరం వారి కుటుంబ స్థితిగతులను తెలుసుకుని ఆర్థిక సాయం చేశారు. ఈ సందర్భంగా పీడీ మాట్లాడుతూ, స్వేచ్ఛగా జీవించే అవకాశం కల్పించేందుకు ప్రాణాలు త్యాగం చేసిన యోధులను, వారి కుటుంబాలను మరచిపోకూడదన్నారు. బ్రిటీష్‌ సామ్రాజ్యవాదుల ఆగడాలను అడ్డుకునేందుకు పోరాడిన గంటందొర, మల్లుదొరలకు అందరూ రుణపడి ఉండాలన్నారు. ఈ కార్యక్రమంలో గొలుగొండ ఎంపీడీవో ఎస్‌.డేవిడ్‌రాజు, పంచాయతీ విస్తరణాధికారి రఘురాం, హౌసింగ్‌ ఏఈ మధుసూదనరావు తదితరులు పాల్గొన్నారు. 


Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.