యానాంలో మాజీ సీఎం వెనుకంజ, ఆధిక్యంలో స్వతంత్ర అభ్యర్థి
ABN , First Publish Date - 2021-05-02T20:56:20+05:30 IST
నాలుగు రాష్ట్రాల అసెంబ్లీలతో పాటు కేంద్ర పాలిత ప్రాంతమైన పుదుచ్చేరి అసెంబ్లీకి ఎన్నికల కౌంటింగ్ ఆదివారం కొనసాగుతోంది. కాగా, పుదుచ్చేరి మాజీ ముఖ్యమంత్రి రంగస్వామి ఈ కౌంటింగ్‌లో వెనుకంజలో ఉన్నారు
పుదుచ్చేరి: నాలుగు రాష్ట్రాల అసెంబ్లీలతో పాటు కేంద్ర పాలిత ప్రాంతమైన పుదుచ్చేరి అసెంబ్లీకి ఎన్నికల కౌంటింగ్ ఆదివారం కొనసాగుతోంది. కాగా, పుదుచ్చేరి మాజీ ముఖ్యమంత్రి రంగస్వామి ఈ కౌంటింగ్‌లో వెనుకంజలో ఉన్నారు. ఆయనపై స్వతంత్ర అభ్యర్థి శ్రీనివాస్‌ అశోక్‌ 3,067 ఓట్లతో ఆధిక్యంలో ఉండడం గమనార్హం. మొత్తం 30 అసెంబ్లీ నియోజకవర్గాలు ఉన్న పుదుచ్చేరి అసెంబ్లీకి ఇప్పటికి 7 స్థానాల్లో పూర్తి ఫలితాలు వచ్చాయి. మరో 5 స్థానాల ఫలితాల్లో ఆధిక్యానికి సంబంధించిన ఫలితాలు వెలువడుతున్నాయి. మరో 18 స్థానాల ఫలితాలు ఇంకా ప్రారంభం కాలేదు. కాగా ఇప్పటికి పూర్తి ఫలితాలు వచ్చిన సీట్లలో ఆల్ ఇండియా ఎన్‌ఆర్ కాంగ్రెస్ 4 స్థానాలను గెలుచుకుని ఒక స్థానంలో ఆధిక్యంలో ఉంది. ఇక భారతీయ జనతా పార్టీ రెండు స్థానాలను గెలుచుకుని ఒక స్థానంలో ఆధిక్యంలో ఉంది. డీఎంకే ఒక స్థానం గెలుచుకోగా కాంగ్రెస్ రెండు స్థానాల్లో స్వతంత్ర అభ్యర్థి ఒక స్థానంలో ఆధిక్యంలో ఉన్నారు.
