పట్టులాంటి జుట్టు కోసం...
ABN , First Publish Date - 2021-03-22T17:30:43+05:30 IST
మీ జుట్టు సమస్యలు దూరం కావాలన్నా, పట్టులా మెరవాలన్నా షాంపూలో ఇవి జతచేయండి. షాంపూలో నిమ్మరసం కలిపి తలకు పట్టిస్తే చుండ్రు పోతుంది.
ఆంధ్రజ్యోతి(22-03-2021)
మీ జుట్టు సమస్యలు దూరం కావాలన్నా, పట్టులా మెరవాలన్నా షాంపూలో ఇవి జతచేయండి.
షాంపూలో నిమ్మరసం కలిపి తలకు పట్టిస్తే చుండ్రు పోతుంది.
షాంపూలో కొద్దిగా రోజ్ వాటర్ కలిపితే జుట్టు మృదువుగా అవుతుంది.
షాంపూలో కొద్దిగా ఉప్పు కలిపి మాడుకు రాసుకుంటే అక్కడ పేరుకున్న మృతకణాలు పోయి మాడు మీద ఉండే చర్మం ఆరోగ్యంగా ఉంటుంది.
గ్రీన్ టీని షాంపూలో కలిపి వెంట్రుకలకు పట్టిస్తే బాగా పెరుగుతాయి.
జుట్టు ఒత్తుగా పెరగాలంటే మీరు వాడే షాంపులో అలొవెరా కొద్దిగా కలిపి తలకు పట్టించుకుని స్నానం చేస్తే చాలు.
వెంట్రుకలు బలహీనం కాకుండా ఉండాలంటే మీరు వాడే షాంపులో కొద్దిగా బియ్యపు నీళ్లు కలిపి తలస్నానం చేయాలి.
షాంపూలో కొద్దిగా తేనె వేసి బాగా కలిపి దాన్ని శిరోజాలకు పట్టించి తలస్నానం చేస్తే జుట్టు పట్టులా ఉంటుంది.