Advertisement
Advertisement
Latest Telugu News
Advertisement

Florida లో షాకింగ్ ఘటన.. ఆత్మలు చెప్పాయంటూ.. యజమాని ఇంటికి నిప్పంటించాడు!

twitter-iconwatsapp-iconfb-icon
Florida లో షాకింగ్ ఘటన.. ఆత్మలు చెప్పాయంటూ.. యజమాని ఇంటికి నిప్పంటించాడు!

ఫ్లోరిడా: అమెరికాలోని ఫ్లోరిడా (Florida)లో షాకింగ్ ఘటన వెలుగు చూసింది. ఓ వ్యక్తి నిర్మాణంలో ఉన్న తన యజమాని ఇంటికి నిప్పు పెట్టాడు. అదేంటని అడిగితే ఆత్మలు చెప్పాయి.. అందుకే చేశానంటూ తాపీగా చెప్పాడు. అక్కడి సీసీటీవీ కెమెరాల్లో రికార్డైన దృశ్యాల ఆధారంగా బుధవారం నిందితుడిని అదుపులోకి తీసుకుని విచారించడంతో ఈ విషయం బయటకు వచ్చింది. వివరాల్లోకి వెళ్తే.. ఫ్లోరిడాలోని సెయింట్ పీటర్ బర్గ్‌లో ఉండే తన్హా హా(54) అనే వ్యక్తి స్థానికంగా ఉండే ఓ వ్యాపారవేత్త వద్ద సహాయకుడిగా పని చేస్తున్నాడు. తన్హా యజమాని ఇటీవలే సెయింట్ పీటర్ బర్గ్‌లో ఓ కొత్త ఇంటి నిర్మాణం మొదలెట్టాడు. అక్కడే తన్హాను పనికి పెట్టాడు. ఆ ఇంటి నిర్మాణ పనులు చూసుకోవడం అతని పని. ఈ క్రమంలో మే 3వ తేదీన తన్హా ముఖానికి మాస్క్‌తో ఆ ఇంటికి వెళ్లాడు. అనంతరం ఇంటికి నిప్పుపెట్టి బయటకు వచ్చేశాడు. ఆ తర్వాత ఏమీ తెలియనట్టుగా తాను వచ్చిన బైక్‌పై అక్కడి నుంచి వెళ్లిపోయాడు. 


కొద్దిసేపటి తర్వాత ఇంట్లోంచి ఒక్కసారిగా పెద్దగా మంటలు రావడం గమనించిన స్థానికులు యజమానికి ఫోన్ చేసి చెప్పారు. ఈ ఘటనపై యజమాని పోలీసులకు ఫిర్యాదు చేశాడు. రంగంలోకి దిగిన పోలీసులు మొదట స్థానికంగా ఉన్న సీసీటీవీ కెమెరాల్లో రికార్డైన దృశ్యాలను పరిశీలించారు. దీంతో తన్హా బండారం బయటపడింది. ఆ దృశ్యాల ఆధారంగా అతడిని అదుపులోకి తీసుకున్న పోలీసులు తమదైన శైలిలో విచారించడంతో నేరం అంగీకరించాడు. అయితే, అతడు అలా ఎందుకు చేశాడో చెప్పింది విని పోలీసులు షాక్ అయ్యారు. తనకు కలలో ఆత్మలు కనిపించి ఆ పని చేయమన్నాయని చెప్పడంతో పోలీసులు నిర్ఘాంత పోయారు. కాగా, ఆ తర్వాత తెలిసింది ఏంటంటే.. తన్హాకు గత కొంతకాలంగా యజమానితో పడటంలేదట. అందుకే అతనిపై కోపంతో ఇలా చేసినట్లు పోలీసులు చెప్పారు. 

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

అమెరికా నగరాల్లోLatest News in Teluguమరిన్ని...

Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.