పూణెలోని సీరమ్ ఇనిస్టిట్యూట్‌లో భారీ అగ్ని ప్రమాదం
ABN , First Publish Date - 2021-01-21T20:53:45+05:30 IST
పూణెలోని సీరమ్ ఇనిస్టిట్యూట్‌లో గురువారం భారీ అగ్ని ప్రమాదం సంభవించింది. టెర్మినల్ గేట్-1 దగ్గర ఉన్న భవనం ఐదో అంతస్తులో ఈ
ముంబై : పూణెలోని సీరమ్ ఇనిస్టిట్యూట్‌లో గురువారం భారీ అగ్ని ప్రమాదం సంభవించింది. టెర్మినల్ గేట్-1 దగ్గర ఉన్న భవనం ఐదో అంతస్తులో ఈ ప్రమాదం సంభవించిందని అధికారులు తెలిపారు. భారీగా ఎగిసిపడుతున్న మంటలను అదుపు చేసేందుకు పది అగ్నిమాపక యంత్రాలు హుటాహుటిన ఘటనా స్థలానికి చేరుకుని మంటలను అదుపు చేస్తున్నాయి. ఈ విషయాన్ని పూణె మేయర్ మురళీధర్ మోహల్ తెలిపారు. మొదట్లో ఐదు అగ్ని మాపక యంత్రాలు మాత్రమే చేరుకున్నాయి. మంటలు అదుపు కాకపోవడంతో అధికారులు మరో ఐదు అగ్ని మాపక యంత్రాలను రప్పించారు.
