చేలల్లో ఒక్కో ఎలుకను పట్టినందుకు.. రైతు చెల్లిస్తున్న సొమ్ము ఎంతో తెలిస్తే..

పాలకోడేరు(పశ్చిమ గోదావరి): ఎలుక రూ. 50... అబ్బో అంత ఖరీదా.. ఇంతకీ ఎందుకంటారా.. చేలల్లో ఒక ఎలుకను పట్టినందుకు రైతు ఇచ్చే డబ్బు ఇది. చేనుపై ఎలకలు దాడి చేశాయంటే అంతా ఇంతా నష్టం కాదు మరి.. అందుకే ఇలా పట్టిస్తున్నారు. మరి ప్రభు త్వం పంపిణీ చేసే సామూహిక ఎలుకల నివారణకు మందు ఏం చేస్తుందంటారా.. దాని దారి దానిదే.. వీళ్ల దారి వీరిదే.. ఎలుకలు వల్ల వరి పంటకు తీవ్రస్థాయిలో నష్టం ఉంటుంది. రైతులు సకాలంలో ఎలుకలు నిర్మూలిస్తేనే పంట పూర్తిస్థాయిలో చేతికొస్తుంది. రైతు అశ్రద్ధ వహిస్తే భారీగానే నష్టపోతాడు.అందుకే ఎలుకల నివారణకు రైతు అధిక ప్రాధాన్యం ఇస్తున్నాడు.ఆ మందు పనిచేస్తుందా.. చస్తుందా అంటూ తమ దారి తాము చూసుకుంటున్నారు. దీంతో ఎలుకలు పట్టేవారికి డిమాండ్‌ ఏర్పడింది. ఒక్కో ఎలుక పట్టేందుకు రూ.50 వరకు డిమాండ్‌ చేస్తున్నారు.