సముద్రంలో మునిగిపోతున్న విమానం.. దానిపై నిలబడి సాయం కోసం పైలెట్ నిరీక్షణ.. చివరకు ఏం జరిగిందంటే..
ABN , First Publish Date - 2021-11-16T03:34:32+05:30 IST
అంతా సినిమా సీన్ లాగానే..! సముద్రంలో మునిగిపోతున్న విమానం.. దానిపైన నిలబడి రక్షించండని కోరిన పైలట్.. వెంటనే రంగంలోకి దిగిన పోలీసులు అతడిని నీటమునిగిపోకుండా కాపాడటం.. చదవడానికి ఇదంతా ఓ సినిమా స్క్రిప్ట్‌లాగా ఉన్నప్పటికీ
ఇంటర్నెట్ డెస్క్: అంతా సినిమా సీన్ లాగానే..! సముద్రంలో మునిగిపోతున్న విమానం.. దానిపైన నిలబడి రక్షించండని కోరిన పైలట్.. వెంటనే రంగంలోకి దిగిన పోలీసులు అతడిని నీటమునిగిపోకుండా కాపాడటం.. చదవడానికి ఇదంతా ఓ సినిమా స్క్రిప్ట్‌లాగా ఉన్నప్పటికీ వాస్తవంగా జరిగిన ఘటన ఇది. అమెరికాలో ఇటీవల జరిగిన ఈ ఘటన ప్రస్తుతం వైరల్ అవుతోంది.
ఫ్లోరిడా రాష్ట్రంలోని గల్ఫ్ తీరానికి సుమారు 100 మైళ్ల దూరంలో ఓ విమానం సముద్రంలో మునిగిపోతుండటాన్ని కస్టమ్స్ అధికారులు గుర్తించారు. గస్తీలో ఉన్న వారికి ఈ విమానం మునిగిపోతున్న విషయం కంట పడింది. కస్టమ్స్ అధికారులు విమానానికి కాస్త దగ్గరా వెళ్లి చూస్తే.. దాని కాక్‌పిట్ వరకూ నీళ్లు వచ్చేశాయి. పైలట్ ఏమో విమానం మీద ఎక్కి సహాయం కోసం అర్థిస్తున్నాడు. దీంతో.. వెంటనే స్పందించిన అధికారులు అతడిని రక్షించారు. అధికారుల అప్రమత్తత కారణంగా ఓ ప్రాణం నిలిచిందని కస్టమ్స్ శాఖ మెరైన్ ఆపరేషన్స్ డైరెక్టర్ మైఖేల్ మాటిస్ వ్యాఖ్యానించారు.
