ఇన్స్టాగ్రామ్ యూజర్లపై ఫేస్బుక్ నిఘా
ABN , First Publish Date - 2020-09-19T07:43:24+05:30 IST
కేంబ్రిడ్జ్ అనలిటికా ఉదంతంతో డేటా చౌర్యం వంటి వివాదాల్లో చిక్కుకున్న ఫేస్బుక్ ఇప్పుడు ఇంకో సమస్యను ఎదుర్కొంటోంది.
న్యూయార్క్, సెప్టెంబరు 18: కేంబ్రిడ్జ్ అనలిటికా ఉదంతంతో డేటా చౌర్యం వంటి వివాదాల్లో చిక్కుకున్న ఫేస్బుక్ ఇప్పుడు ఇంకో సమస్యను ఎదుర్కొంటోంది. తన సోదర సంస్థ ఇన్స్టాగ్రామ్ యూజర్లపై.. వారి మొబైల్ఫోన్ కెమెరాల ద్వారా ఫేస్బుక్ నిఘా పెట్టిందంటూ అమెరికాలోని శాన్ఫ్రాన్సి్సకో ఫెడరల్ కోర్టులో గురువారం ఓ వ్యాజ్యం దాఖలైంది.
బ్రిటనీ కోండిటీ అనే వ్యక్తి ఈ కేసు వేశారు. ఇన్స్టాగ్రామ్ యూజర్లు ఆ యాప్ను వాడకున్నా.. వారి ఫోన్ కెమెరాల ద్వారా ‘బయోమెట్రిక్ డేటా’ తస్కరణకు గురవుతోందని బ్రిటనీ ఆరోపించారు. ఐఫోన్లు కూడా అందుకు అతీతం కాదని కోర్టుకు తెలిపారు. కాగా.. ఇన్స్టాగ్రామ్ యూజర్లపై ఫేస్బుక్ నిఘా పెట్టిందనే వార్తలు జూలైలో కూడా అమెరికా పత్రికల్లో ప్రచురితం కావడం గమనార్హం.