సరికొత్త అనుభూతికి సిద్ధమా?
ABN , First Publish Date - 2020-07-22T05:30:00+05:30 IST
ఈ ఏడాది యువత ఆసక్తిగా ఎదురుచూస్తున్న బైక్ ‘జావా పెరక్’. వారి నిరీక్షణకు ఇక తెరపడినట్టే. ‘క్లాసిక్ లెజెండ్స్ ప్రైవేట్ లిమిటెడ్’ నుంచి వస్తున్న ఈ బైక్ డెలివరీలను సంస్థ ఇటీవలే ప్రారంభించింది...
ఈ ఏడాది యువత ఆసక్తిగా ఎదురుచూస్తున్న బైక్ ‘జావా పెరక్’. వారి నిరీక్షణకు ఇక తెరపడినట్టే. ‘క్లాసిక్ లెజెండ్స్ ప్రైవేట్ లిమిటెడ్’ నుంచి వస్తున్న ఈ బైక్ డెలివరీలను సంస్థ ఇటీవలే ప్రారంభించింది. ఫ్యాక్టరీ కస్టమ్ మేడ్గా రూపుదిద్దుకున్న ‘పెరక్’లో కుర్రకారుకు నచ్చే ఫీచర్లన్నీ ఉన్నాయంటోంది. వారికి సరికొత్త అనుభూతినిస్తుందంటోంది సంస్థ.
ఇవీ ఫీచర్లు...
- బీఎస్-6 ప్రమాణాలు కలిగిన ‘జావా పెరక్’... భారత దేశపు మొట్టమొదటి ఫ్యాక్టరీ కస్టమ్ బైక్.
- 334సీసీ లిక్విడ్ కూల్డ్, సింగిల్ సిలిండర్, 4-స్ట్రోక్, డీఓహెచ్సీ ఇంజన్ దీని ప్రత్యేకత.
- 30.64 పీఎస్ శక్తిని, 32.74 ఎన్ఎం టార్క్ను ఉత్పత్తి చేస్తుంది. లాక్డౌన్ సమయాన్ని సద్వినియోగం చేసుకుని మరీ టార్క్ను దాదాపు 2ఎన్ఎం వరకూ వృద్ధి చేశామని, అత్యధిక టార్క్ ఎక్కువగా లాగే శక్తిని, రోలింగ్ యాక్సిలరేషన్ అందిస్తుందని సంస్థ చెబుతోంది.
- అలాగే రైడింగ్ మరింత సౌకర్యంగా ఉండేలా గేర్ రేషియో కూడా మార్చారు. 6 గేర్లు ఇందులో ఉన్నాయి.
- ఛాసి్సతో పాటు సరికొత్త స్వింగ్ఆర్మ్ వంటి ఫీచర్లు ఉన్నాయి. అలాగే టాన్ కలర్డ్ సింగిల్ సీట్, బ్లాక్డ్ ఔట్ ఇంజిన్, స్పోక్ వీల్స్ మరో ఆకర్షణ.
- ఈ బైక్కు సింగిల్ సీట్ మాత్రమే ఉంటుంది. దీని స్వింగ్ ఆర్ట్ డిజైన్ కారణంగా వెనుక సీటు అమర్చుకునే అవకాశాలు తక్కువ.
- ‘జావా పెరక్’ ధర రూ.1.94 లక్షలు (ఎక్స్షోరూమ్, ఢిల్లీ).
- రాయల్ ఎన్ఫీల్డ్ క్లాసిక్ 350కు ఇది పోటీ కావొచ్చని అంచనా.
జావా పెరక్
ప్రత్యేకతలు:
తొలి ఫ్యాక్టరీ కస్టమ్ బైక్. 334 సీసీ లిక్విడ్ కూల్డ్ సింగిల్ సిలిండర్ ఇంజన్, 6-గేర్, సింగిల్ సీట్. ధర: రూ.1.94 లక్షలు (ఎక్స్ షోరూమ్, ఢిల్లీ)