ప్ర‌వాసుల రాక‌పై కువైట్ కీల‌క ప్ర‌క‌ట‌న‌..!

కువైట్ సిటీ: ప్ర‌వాసుల రాక‌పై తాజాగా కువైట్ స‌ర్కార్ కీల‌క ప్ర‌క‌ట‌న చేసింది. కువైట్ రెసిడెన్సీ వీసా గ‌ల ప్ర‌వాసులు ఆరు నెల‌ల‌కు పైగా ఇత‌ర దేశాల్లో ఉన్న తిరిగి కువైట్ వ‌చ్చేందుకు అనుమ‌తి ఇచ్చింది. ఈ మేర‌కు కువైట్ సివిల్ ఎవియేష‌న్ డైరెక్ట‌ర్ జ‌న‌ర‌ల్ ఆఫీస్... కువైట్ ఇంట‌ర్నెష‌న‌ల్ ఎయిర్‌పోర్టు నుంచి విమాన స‌ర్వీసులు న‌డిపించే అన్ని ఎయిర్‌లైన్ల‌కు ఆదేశాలు జారీ చేసింది. 2019, సెప్టెంబ‌ర్ 9 నాటి నుంచి కువైట్ వ‌దిలివెళ్లిన ప్ర‌వాసుల‌ను తిరిగి దేశంలోకి ప్ర‌వేశించేందుకు అనుమ‌తించాల‌ని ఆదేశించింది. అదికూడా వాలిడ్ రెసిడెన్సీ వీసాలు గ‌ల ప్ర‌వాసుల‌కు మాత్ర‌మే ఈ అవ‌కాశం క‌ల్పించిన‌ట్లు పేర్కొంది.