Advertisement
Advertisement
Latest Telugu News
Advertisement
Published: Thu, 21 Oct 2021 23:28:53 IST

ఎవర్‌గ్రాండ్... ‘డిఫాల్టర్‌’ ?

twitter-iconwatsapp-iconfb-icon

ముంబై : చైనా ఆర్థిక వ్యవస్థ ప్రస్తుతం మందగమనంలో ఉన్న విషయం తెలిసిందే. ఈ పరిస్థితుల్లోనే... మరో భారీ పతనం చైనాను కోలుకోలేని దెబ్బతీసింది. అంతర్జాతీయ నిర్మాణ సంస్థ ‘ఎవర్‌గ్రాండ్’పై  ‘డిఫాల్టర్‌’ ముద్ర పడే పరిస్థితి కనిపిస్తోంది. ఎవర్‌గ్రాండ్ షేర్లు భారీగా పతనమయ్యాయి. ఈ రోజు(గురువారం) ఉదయం హాంకాంగ్‌ స్టాక్‌ ఎక్సేంజిలో... ఎవర్‌గ్రాండ్ పధ్నాలుగు శాతం పతనాన్ని చూడాల్సివచ్చింది. ఇప్పటికే ఆర్ధికసంక్షోభంలో కొట్టుమిట్టాడుతున్న ఎవర్‌గ్రాండ్‌.. తన యూనిట్లలో ఒకదానిని 2.6 బిలియన్‌ డాలర్లకు విక్రయించాలన్న ప్రతిపాదనతోపాటు అందుకు సంబంధించిన యత్నాలు విఫలమైన విషయం తెలిసిందే.


ఈ క్రమంలోనే... ఎవర్‌గ్రాండ్ షేర్లు ఒక్కసారిగా పతనమవుతున్నాయి. ఈ నేపధ్యంలో...  గృహనిర్మాణ రంగం మందగించింది. తత్ఫలితంగా... ప్రపంచవ్యాప్తంగా మెటల్‌ షేర్లకు డిమాండ్‌ తగ్గవచ్చన్న వ్యాఖ్యానాలు వినవస్తున్నాయి. ఎవర్‌గ్రాండ్ ప్రాపర్టీస్‌ సర్వీసెస్‌లో సింహభాగాన్ని( 51 శాతం)  హోప్‌సన్‌ డెవలప్‌మెంట్‌ హోల్డింగ్స్‌కు విక్రయించే ప్రతిపాదనను ఉపసంహరించుకోనున్నట్లు నిన్న(బుధవారం) ఓ అధికారిక ప్రకటన వెలువడిన విషయం తెలిసిందే. కాగా... హోప్‌సన్‌ డెవలప్‌మెంట్‌ మాత్రం... ఎవర్‌గ్రాండ్‌ విధించిన షరతుల నేపధ్యంలోనే సంబంధిత ప్రక్రియనుంచి తప్పుకుంటున్నట్లు ప్రకటించింది.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.