Advertisement
Advertisement
Latest Telugu News
Advertisement
Published: Sat, 13 Aug 2022 10:52:43 IST

Agastyar hill: ఏనుగుల శరణాలయంగా అగస్త్యర్‌ కొండ ప్రాంతం

twitter-iconwatsapp-iconfb-icon
Agastyar hill: ఏనుగుల శరణాలయంగా అగస్త్యర్‌ కొండ ప్రాంతం

పెరంబూర్‌(చెన్నై), ఆగస్టు 12: తిరునల్వేలి(Tirunalveli) జిల్లాలోని అగస్త్యర్‌ కొండ ప్రాంతాన్ని ఏనుగుల శరణాలయంగా కేంద్రప్రభుత్వం గుర్తించింది. ఈ మేరకు కేంద్ర పర్యావరణ శాఖ మంత్రి భూపేందర్‌ యాదవ్‌ ఉత్తర్వులు జారీచేశారు. తిరునల్వేలి జిల్లా పశ్చిమ కనుమల కొండ ప్రాంతంలో ఉన్న పొదిగై కొండ ప్రాంతం తమిళుల అభివృద్ధికి చిహ్నంగా ఉందని చరిత్ర చెబుతోంది. ఈ కొండ శిఖరంపై అగస్త్యర్‌ ఆలయం ఉంది. ఈ ఆలయానికి వెళ్లేందుకు రోడ్డు వసతి లేకపోవడంతో భక్తులు నడిచివెళ్తుంటారు. అయితే అందుకు మూడు రోజులు పడుతుంది. పాపనాశం, కారైయారు నది, పానతీర్థం జలపాతం, పేయారు తదితరాలు దాటి కొండకు చేరుకోవాల్సి ఉంటుంది. 1995 వరకు భక్తులు ఈ ప్రాంతానికి విరివిగా వెళ్లేవారు. కానీ కలక్కాడు ముండన్‌తురై పులుల సంరక్షణను దృష్టిలో ఉంచుకొని 2002 అనంతరం ఈ మార్గంలో భక్తులు వెళ్లడంపై అటవీశాఖ నిషేధం విధించింది. దీంతో భక్తులు కొండ వెనుకవైపున్న తిరువనంతపురం(Thiruvananthapuram) మీదుగా వెళుతున్నారు. 6 వేల చ.కి.మీటర్ల విస్తీర్ణంలో వున్న పొదిగై కొండ ప్రాంతంలో 121 రకాల జంతువులు, 157 రకాల సరీసృపాలున్నాయి. ఈ నేపథ్యంలో అగస్త్యర్‌ కొండ ప్రాంతాన్ని ఏనుగుల శరణాలయంగా కేంద్రప్రభుత్వం ప్రకటించింది. దాంతో రాష్ట్రంలో ఏనుగుల శరణాలయాల సంఖ్య ఐదుకు చేరినట్లయింది. 

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.